Zigor Goikoetxea Navalcarnerotik atera dute

Erabiltzailearen aurpegia Ukberri 2008ko ira. 23a, 13:48
Zigor Goikoetxea gazte getxoztarra Navalcarneroko (Madril, Espainia) espetxetik atera egin dutela jakinarazi diete bere etxekoei, Uribe Kostako Amnistiaren Aldeko Mugimenduak Etengabe bitakoraren bitartez zabaldu duenez. Dena dela, oraindik non dagoen, ezta nora daramaten ere ez dakitela zehaztu dute. Navalcarnerora eraman zutenetik bakartuta eduki dute Goikoetxea. Eta horregatik hainbat protesta egin dituzte espetxe barruan, getxoztarraren egoera salatu eta isolamendutik atera dezaten eskatzeko, bertan dauden gainontzeko euskal preso politikoak, Joseba Elorriaga algortarra horien artean dela. Baita protestak egiteagatik denak zigortu ere. Argazkian, Zigor Goikoetxearen askatasuna aldarrikatzeko, abuztuaren 26an egindako manifestazioa / Etengabe.
Zigor Goikoetxea getxoztarra baldintza gabe espetxeratzeko agindu zuen abuztuaren 26an Espainiako Auzitegi Nazionaleko Fernando Andreu epaileak, abuztuaren 10eko San Lorentzo azokan, Marisa Arrue Getxoko PPren bozeramaileari "hiltzeko mehatxua" egin eta horrenbestez "agintariari atentatua" egin ziolakoan. Hasieran, Soto del Realgo (Madril, Espainia) espetxean sartu zuten arren, egun gutxitara aldatu zuten Navalcarnerora, tartean bidaian zehar jo egin zutela, "Berria" egunkariak zabaldu duenez. Gainera, Navalcarneron preso arruntekin jarri nahi izan zuten eta Goikoetxeak uko egin zion horri. Presoa zigortzeko, isolamenduan sartu eta irailaren 7ko bisita kendu egin zioten. Era berean, getxoztarrak gainditutako minbizia dela eta pasatu behar zuen azterketa medikua galdu egin zuen. Goikoetxearen senideak kezkatuta daude behar dituen botikak emango dizkioten.
Politika Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun