Beka norbanakoek edo taldeek eska dezakete. Ikuspegia historikoa, hezkuntzakoa, lanekoa, ekonomikoa... izan daiteke. Halaber, diziplina ugari bateratu ditzake. Beka eskatu ahal izateko, parte hartzaileek lan proiektu bat aurkeztu behar dute, gehienez 10 foliotakoa, azaroaren 15a baino lehen, Getxoko Udaleko Erregistro Nagusian. Honako izenburua jarri behar zaio horri: “Emakumeen ekarpena Getxoko historian” ikerketa beka. Proiektuak eta lana euskaraz edo gazteleraz aurkez daitezke. Makinatuta egon behar dira, espazioa bikoitzean, alde bakarrean idatzita. Hauek izango dira balorazio irizpideak: interesa, bideragarritasuna, ikerketaren xedea eta metodologia azaltzean argitasuna, gaiaren ezagupena. Epaimahaiak irizpide gehiago erantsi ditzake. Bestalde, poltsaren dotazio ekonomikoa 7.000 eurokoa izango da. Diru hori bi epetan ordainduko da: proiektua aukeratzen denean, %75, eta gainerakoa, %25, behin betiko txostena ematean. Aukeratutako proiektua lehiaketaren ondoko hileetan egin beharko da. Ikerketaren behin betiko txostena 2009ko abenduaren 15a baino lehenago aurkeztu behar da halere.
Kaleak izendatzeko
"Agian, ikerketaren emaitzak erabili ahal izango ditugu gure udalerriko kale, plaza edo eraikin berriak izendatu ahal izateko”, azaldu du Eigurenek. “Izan ere, gaur egun Getxok dituen 343 kaletatik eta plazatatik 14k baino ez dute emakume baten izena”. Lanak aurretik argitaratu gabe egon behar dira. Getxoko Udalak saritutako lana osorik edo zati batez argitara dezake, edo beka hutsik utz dezake, baldin eta aurkeztutako proiektuak ez badira positiboki baloratzen.
Emakumeek Getxoko historiari egin dioten ekarpena ikertzeko beka deitu dute
2008ko ira. 23a, 14:32
Getxoko Udaleko Berdintasun Zerbitzuak “Emakumeen ekarpena Getxoko historian” izenburuko ikerketa beka (pdf) deitu du. Ekimen honen helburua udalerriko emakumeek bete duten paperaz datu berriak argitaratzea edo datu jakinetan sakontzeko da. “Legegintzaldi Plangintzan agertzen denez, Getxoko emakumeek historia, eta bizitza artistico, kultural, sozial, ekonomiko edota politikoan, hau da, gure udalerriko historian egin duten ekarpena berreskuratzea eta ezagutzera eman nahi da, meendeetan, emakumeak baztertuak izan baitira historia ofizialean”, Keltse Eiguren Berdintasun Zerbitzuko zinegotziak adierazitakoaren arabera. Lanak aztertuko duen gaia emakumeek Getxoko historian izan duten paperari buruzko datuak eskaintzen dituen edozein ikerketa izango da. Emakume batek modu indibidualean, emakume talde batek edo Getxoko emakumeek kolektibo gisa historian eginiko ekarpena izango da ikerketa honen helburua. "Edonola ere, udalerriko edota inguruko historiari eginiko ekarpenak edo betetako paperak udalerri honen errealitate kultural, sozial, ekonomiko edo politikoa erakutsi behar du", zehaztu dutenez. Argazkian, hainbat emakume apirileko Euskal Herriko IV. Jardunaldi Feministen aurkezpenean, Algortan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun