Gaztetxoenek hasiko dute festa igandean, gaztelu puzgarriekin, eta 12:00etan kalejirari hasiera emango zaio, oraingoan Bilboko Gaiteroen laguntzarekin. Ostean, Mikel Deunaren ohorezko meza izango da. Ohiturari jarraituz, buruhandiak agertuko dira Txoperan 13:00etan, Mairuek Bilboko Erraldoi Konpartsaren eskutik. Ordu erdi beranduago, hamaiketakoa jan eta gero, Leioako Musika Bandaren kontzertua izango da. Arratsalde partean, 16:30ean tortilla txapelketarako prestatzen hasiko dira auzotarrak. Amaitu eta gero euskal kirolen txanda helduko da. Eta egunari behar bezalako amaiera emateko txokolate jana antolatuko dute 21:00etarako, ordu bete beranduago jaiei agurra emateko. Hala ere, astelehenean oraindik egitarauak jarraituko du, 12:00etan izango den Mikel Deunaren ohorezko mezarekin, aurreskuarekin eta lore eskaintzarekin.
Egitaraua:
Irailak 26, ostirala
18:00 Txupinazoa eta jaien hasiera.
18:00 Kalejira zanpantzarren laguntzaz.
19:00 Euskal dantzak.
20:00 Saiheski errea guztiontzat.
23:30 Gaujaia Jo ta Hanka taldearekin.
Irailak 27, larunbata
11:00 Umeentzako jolasak.
12:30 Rally umoristikoa eta gynkana.
13:00 Igel-toka txapelketa.
16:30 Mus txapelketa.
18:00 Pailazoak: Kuko, Truko eta Bolenwaider.
19:00 Haurrentzako talo tailerra eta dastaketa.
20:30 Herri Kirolak.
22:00 Mozorro-txapelketa
23:00 Gaujaia Haitzama taldearekin
03:00 Karaokea.
Irailak 28, igandea
11:00 Gaztelu puzgarriak.
12:00 Kalejira Bilboko Gaiteroen laguntzaz.
12:30 Meza San Miguelen ohorez.
13:00 Buruhaundiak Mairuek Bilboko Erraldoi Konpartsaren eskutik.
13:30 Herri Lluntxa eta Leioako Udal Musika Bandaren kontzertua.
16:30 Tortilla txapelketa.
18:00 Herri kirolak.
20:00 Nafarroaldeko jotak.
21:00 Herri txokolatada.
22:00 Jaien amaiera.
Irailak 29, astelehena
12:00 Meza, aurreskua eta lore eskaintza.
Leioako Txopera auzoak ospakizun propioa egingo du asteburu honetan udazkenari harrera alaitsua emateko. Horrela, bihar hasiko dira jaiak ofizialki txupinazoarekin, 18:00etan, eta jarraian kalejira izango da zanpantzarren laguntzarekin Ordubete beranduago euskal dantza agerraldia ikusteko aukera izango da, eta 20:00etan saiheski errea banatuko dute guztiontzat. Sabela bete eta gero, eta gaueko giroa animatuz, Jo eta Hanka taldeak eskainiko du dantzaldia. Larunbat goiza umeentzat izango da: 11:00etatik aurrera jolasak izango dituzte kalean, eta 12:30erako rally umoristikoa eta gynkana antolatuko dute. 13:00ak inguruan, helduek ere gozatzeko aukera izango dute igel-toka txapelketarekin. Bazkaldu eta gero mus txapelketa izango da, 16:30ean. Umeek, berriz, Kuko, Truko eta Bolenwaider pailazoekin barre algarak botatzeko aukera izango dute, eta horren ostean taloa zelan egiten den ikasi ahal izango dute, gero beren produktuak dastatuz. Iluntzean herri kirolen txanda izango da, 20:30ean, eta gaua mozorro txapelketak eta Haitzama taldearen musikak girotuko dute, 23:00etatik aurrera. Goizaldean, 3:00etan hasita, nahi duenak bere trebezia erakutsi al izango du karaokean. Argazkian, euskal dantzak, 2007ko Txitxiburruntxi egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun