Udalak jakin arren ez duela ezer egin dio UGTk
Argudio horri helduz, UGTk ziurtatu du ELAk sindikatukideei zein jarraitzaileei emandako emaitzak bat egiten dutela egun batzuk beranduago argitaratutakoekin. Gainera, sindikatu konstituzionalistak udal arduradunei eman zien gertatutakoaren berri "neurriak hartzeko epe nahikoarekin". Agiriak ere eman zizkien. Orain, Udalak ezer egin ez duelakoan, UGTk "susmo txarra" hartu dio kontuari eta "irregulartasunak egin ei dituztenen" eta udal arduradunen artean "nolabaiteko elkarkeria" egon daitekeen ez du baztertzen.
Hori dela eta, ardurak eskatzea eta epaitegietara jotzea aztertzen ari da atal sindikalak: "UGTk ez du entxufatzerik onartuko Getxoko Udalean". Azkenik, "gertakizun hauek eta gure Udalean aspaldidanik pairatzen diren beste batzuek udalerriaz eta bere mandatariez gain era ondraduan beren eginkizunak egiten dituzten funtzionarioez ematen duten irudiagatik" penatuta agertu da sindikatua.
Getxoko Udaleko UGT atal sindikalak Udaltzaingoko zortzi polizia hautatzeko prozesuan "irregulartasun larriak" egon direla salatu ditu. Sindikatuaren arabera, amaitu berri duen prozesuan izandako irregularitate horietan Pertsonala Batzordeko presidenteak, ELAkoa, eta hainbat epaimahaikidek hartu dute parte. Gainera hori frogatzeko agiriak dituela dio UGTk. Alde batetik, azterketetan egindako galderez kexu agertu zen UGT bere garaian eta, beste aldetik, orain azterketen emaitzak publikoak egin baino lehen filtratu egin direla salatu du atal sindikalak. Hain zuzen ere, ELAko afiliatuak diren hautagaiak jaso dituzte beren azterketen emaitzak inork baino lehen. "Gertakizun hauek, larria litzatekeen azterketen zaintza katea haustea izateaz haratago, oposizio-egile batzuen alde eta beste batzuen kalterako emaitzak manipulatuak izan direnetz" jartzen dute zalantzan UGTren aburuz: "nork ziurtatuko du publikatu baino lehen emaitzak ez dituztela manipulatu?".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun