Egoitz Gurrutxaga eta Igor Angulo gogoratu dituzte Leioako campusean
2008ko ira. 26a, 21:08
Gaztesareak emandako kopuruaren araberara, ehun bat lagunek manifestazioa burutu dute EHUko Leioa eta Erandioko campusean zehar, eta ondoren krabelin eskaintza egin diete "gudari bizkaitarrei, hurrenez hurren, Arte Ederretako eta Lan Harremanetako ikasle ziren Oreretako Egoitz Gurrutxaga eta Santurtziko Igor Angulori aipamen berezia eginez. Lehenengoari Basurtun (Bilbo) eztanda egin zion kotxean zeraman bonbak, 2002ko irailaren 23an, 28 urte zituela -berarekin zihoan ETAko kidea ere omen zen Hodei Galarraga zaldibiarra-. Bigarrena, Cuencako espetxeko ziegan hilik aurkitu zuten 2006ko otsailaren 27an. Hain zuzen ere, unibertsitateetan gaur zen egitekoa Gudari Eguna. Bihar, berriz, mobilizazio ugari egongo dira Euskal Herri osoan. Besteak beste, Algortan, omenaldia egingo dute 13:00etan, Kasino plazan, eta elkarretaratzea 14:00etan Telletxen. Eskualde mailako mobilizazioa izango da hori, ezker abertzaleko kideek adierazitakoaren arabera. Hala ere, Itzubaltzeta / Romon, 13:00etan egingo dute ekitaldia, Santa Eugenia plazan, eta ondoren luntxa izango da Branka herriko tabernan.Irailaren 27an (larunbata aurten) egin ohi du Gudari Eguna ezker abertzaleak. 1975an izandako Txiki eta Otaegiren fusilatzea gogoratzen da data horretan. Argazkian, campuseko gaurko ekitaldia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun