Atzoko partida hasi bezain laster, argi gelditu zen Faduran puntuan poltsikoratu nahi dituen kanpoko taldeak gogor lan egin beharko duela aurten. 4. minuturako, Getxo Artea markagailuan aurretik zegoen jada, Pedro Guadamurok entsegua lortu eta Jeremías Palumbok transformatu ondoren (7-0). Ordutik aurrera, lasaitasunez hartu zuten partida hori-beltzek, lehenengo ordu erdian jokoa guztiz kontrolatuz. Atsedenaldira iritsi baino lehen, gainera, zigor kolpea gauzatu zuen Palumbo argentinarrak eta Abatek bigarren entsegua egin zuen eta Palumbok transformatu, hutsarte 17-0 emaitzarekin joanez. Bigarren zatia hasita, partidan sartzen ahalegindu zen Cajasol Cienciasek, baina ez zuen emaitza handiegirik lortu. Zigor kolpe bakarra gauzatu zuten (17-3), Zelanda Berriko Kurt Morath-en bitartez. Bitartean, defentsan eutsita, puntu gehiago ere erdiesteko aukera eduki zuten Getxo Arteakoek. Lau jaurtiketa erratu zituzte hori-beltzek. Azkenean, 66. minutuan, beste zigor kolpe bat gauzatu zuen Palumbok (20-3).
Jose Luis Martinez "Karra": Horrelako partidek balio bikoitza dute
Getxo Arteako jokalari eta entrenatzaileek pozarren zeuden partidua amaitzerakoan. Ezta gutxiagorako ere. Orain aste bete, Anoetan hartutako jipoiaren ostean, garaipen garrantzitsua erdietsi zuten Fadurakoek. "Garaipen handia da, bikoitza balio duten partida horietako bat", adierazi zuen Karrak. "Ia guztia ondo atera zaigu. Horrelako garaipen bat behar genuen, joan den asteko porrotaren ostean. Orain, zortzi puntu eduki genitzakeen. Hala ere, ez da atzera begiratzeko ordua", gaineratu zuenez. Pozik bai, baina, egindako okerrez ere aritu zen Javichin: "Ondo jokatu dugu, baina oraindik asko falta zaio maila fisikoan. Gainera, hasiberrienak izaten diren akats batzuk egin ditugu, ohorezko mailan onargarriak ez direnak", azaldu zuen entrenatzaileak.
Jokalariak:
Jabitxin eta Karrak Alzola, Dani Rodriguez, Peñarredonda, Duran, Lee Williams, Nieto, Lopategi, David Hernandez, Mirones, Palumbo, Guadamuro, Monasterio, Abate, David Martin eta Elder atera zituzten hasieratik, geroago Gaizka Aguirre eta Bittor Aboitiz zelairatzeko. Berriz, Cajasol Cienciasen mutilak honakoak izan ziren: Prieto, Bohorquez, Hattori, Fernandez Aramburu, De Olivera, Bresolin, Harding, Ortega, Aparicio, Morath, Berrichon, Mazo, Paunani, Pînto eta Smith eta, beranduago, Gonzalez, Rocha, Recuerda, Ledesma eta Silvestre.
Getxo Arteak garaipen ikusgarria lortu du Cajasol Cienciasen aurka
2008ko ira. 29a, 15:07
Egundokoa izan zen atzo Getxo Artea rugby taldeak Cajasol Cienciasen aurka erdietsitako garaipena (20-3). Sevillarra ohorezko mailako talderik indartsuenen artean egon arren, partida osoan zehar izan ziren nagusi Javichinek eta Karrak zuzentzen dituzte jokalari hori eta beltzak. Jokoa bizia eta ikusgarria izan zen, tarteka, rugby saio ederrak ikusteko aukera emanez. Lortutako lau puntuek zapore goxoa dute, bai eskuratutako moduagatik; bai, horrela jarraituz gero, Getxo Artea onenen artean egon daitekeelako, klubeko arduradunen ustez. Nahiz eta lehenengo partidan Pegamo Bera Beraren aurka Anoetan galdu arren, Cajasol Cienciasi irabazita hamar taldeetatik seigarren jarri dira Fadurakoak. Asteburu honetan Valladolidera egingo dute bidaia hori-beltzek. Cetransa El Salvador taldearen kontra izango dute norgehiagoka igande honetan, urriak 5. Argazkian, Getxo Artea eta Cajasol Cienciasen arteko beste partida baten irudia / Andalucia Sport.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun