Getxoko Udaleko Berdintasun Zerbitzuak Jabekuntza Eskolako ikastaro batzuetarako izena emateko epea luzatu du, epe hori amaituta, toki batzuk geratzen direlako. Ikastaro horiek honako hauek dira: “Jende aurrean hitz egiteko teknikak” izenekoa, euskaraz; eta “Topaketa kontatzen”, “Komiki femeninoan sartzen herri desberdinen bitartez” eta “Munduko emakumeen literatura”, gaztelaniaz. Gainontzeko ikastaroak beteta daude, batzuek gainera itxarote zerrendarekin, udal iturriek zehaztu dutenez. Izena emateko epe berria datorren urriaren 6an amaituko da eta inskripzioak heltzen diren heinean onartuko dira. Interesatuak Berdintasun Zerbitzuarekin jar daitezke harremanetan, 944 660 130 telefono zenbakian edota berdintasuna[abildua]getxo.net posta elektronikoaren bidez. Argazkian, Keltse Eiguren Getxoko Udaleko Aukera Berdintasuneko Saileko zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun