Getxoko Udaltzaingoak Itzubaltzeta / Romon eta Areetan -tartean kultur aretoan eta Mesedeetako Amaren elizan- gertatutako hainbat lapurreten ustezko egilea atxilotu du. Azken egunotan mota horretako gertakariengatik salaketak jaso dituzte. Tokiko poliziak zabaldutako bertsioaren arabera, aipatu gizona biktimetako batenganga joan zen bere etxean sartzen ari zela, Itzubaltzetan. Bortizki bultzatu ondoren, lurrera erori zen eta ondoren poltsarekin ihes egin zuen lapurrak. Udaltzainek diotenez, sistema berbera erabili zuen beste lagun bati diruzorroa kentzeko, supermerkatu batera erosketak egitera zihoanean. 30 urteko J.A.S.M. atxilotutako mutila, Erandioko bizilaguna eta antzeko gertakerengatik aurrekari ugari dituena. Atxilotuari indarkeriz burututako bi lapurreta egozten dizkiote, indarrez egindako beste bi eta ebasketa bat. Ikerketa zabalik dago oraindik beste antzeko gertakarietan parte hartu duen ala ez egiaztatzeko. Ustezko lapurra epailearen esku utzi dute. Argazkian, udaltzain getxoztar bat motor gainean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun