Euskal Herriko Bilgune Feministaren oharra:
Euskal Herriko bilgune feministatik urteak daramatzagu udako jaietan eraso sexisten aurkako eta emakumeon parte hartzea sustatzeko kanpainak burutzen.
Ekimen hauen xedea, jai guneetan ematen diren erasoei aurre egin eta festa batzordeei prebentziorako neurriak ematean datza. Uda honetako balantzea egitean baina, jazoera larriekin aurkitu gara: Barañain eta Algortako bortxaketen izaera bortitza; Algortan, Bilbon, Donostian... izandakoak; Urruña, Gasteiz eta Bilbon eraildako emakumeak... eta beste dozenaka eraso publiko egin ez direnak.
Horregatik, Euskal Herriko bilgune feministak beharrezkotzat jo dugu ostiral honetan kontzentrazio baterako deialdia egitea. Arrasaten izango da Maritxu Kajoietan, ostiralean arratsaldeko 19:00etan herriko plazan.
Dei egin nahi diogu emakumeei eta jendarte osoari elkarretaratze honetan gurekin batera parte har dezaten. Guztion ardura da eraso sexistekin amaitzea.
Udako jaietan izandako eraso sexistei erantzuteko elkarretaratzea deitu du Bilgune Feministak
Udako jaietan izandako eraso sexisten balantzea egin berri du Euskal Herriko Bilgune Feministak, eta jazoera larriak nabarmendu ditu. Besteak beste, "Barañain eta Algortako bortxaketen izaera bortitza; Algortan, Bilbon, Donostian... izandakoak; Urruña, Gasteiz eta Bilbon eraildako emakumeak... eta beste dozenaka eraso publiko egin ez direnak", aipatu ditu erakundeak. Horren aurrean, beharrezkotzat jo du elkarretaratze bat deitzea. Gauzak horrela, ostiral honetan, urriak 3, egingo dute kontzentrazioa, Arrasaten ospatzen ari diren Maritxu Kajoietan: 19:00etan izango da, herriko plazan. Argazkian, Carlotta Ortuzarren erailketa salatzeko, irailaren 5ean Algortako Telletxe plazan egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun