Giza Zientzietako unibertsitate titulua ikasleok unibertsitatearen munduko kezkekin harremanetan jartzen saiatzen da. Beharrezko gaien artean honelakoak dauzkate: Historia Unibertsala, Artearen Historia, Euskal Kultura, Hizkuntza eta Literatura, Gaur Egungo Egoera Sozial eta Kulturalak, Geografia eta Ekologia, eta abar. Gainera hautazko 34 irakasgai ere eskaintzen dira: Filosofiaren eta Zientziaren historia, Nazioarteko harremanak, Memoria eta ahozko iturria, Europako Batasuna: erakundeak eta gizartea, Giza garapena Biologiaren ikuspegitik eta Gerrak eta gatazkak XX. mendean. Ikastaroak gainditzeko ez da azterketarik egin behar, baina bai eskoletara joan eta bertan modu aktiboan parte hartu. Eskolak EHU-BBK etxean ematen dira. Hiru solairu eta 1.839 metro koadroko eraikina da, BBKk zaharberritu ondoren, unibertsitateari utzi ziona. Zazpi Kaleetako eraikin birgaitu onenari eskainitako 2000ko Surbisa saria eskuratu zuen.
Helduentzako unibertsitate ikastaroak
Bestalde, Giza Zientzietako unibertsitate titulua bukatu dutenentzako Helduentzako unibertsitate ikastaroak daude. Aurten, orain arte indarrean egon den Plan Zaharra eta Plan Berria egokitzeko Helduentzako unibertsitate ikastaroetan lehenengo maila bakarrik egongo da. Proiektu hau era ofiziosoan eta ikasleek bultzatuta sortu zen, titulazioa bukatu eta gero akademia jardueretan jarraitzeko gogoa erakutsi baitzuten. 2003/04 ikasturtetik EHUk ikastaroen ardura hartu du, eta, beraz, ofizialtasuna daukate. Eskolak asteko bi arratsaldetan ematen dira Esperientzia Geletako egoitza den EHU-BBK etxean. Azkenik, ikastegiko Ikasle eta ikasle ohien elkarteak esperientzia akademikoa luzatu nahi du Unibertsitateak onartzen dituen sei urteetatik haratago. Horregatik, ikasketak bukatu dituzten sei promozioek, beren kabuz eta arduraz, hainbat aktibitate antolatzen dituzte kurtsoan zehar erregulartasunez egiten direnak.
EHUko Esperientzia Gelek ikasturtea hasi dute inoiz baino ikasle gehiagorekin
2008ko urr. 6a, 21:41
Euskal Herriko Unibertsitateko (EHU) Bizkaiko Campuseko Esperientzia Gelek 2008/09 ikasturteko irekiera ospatu dute gaur, urriak 6, Bilboko EHU-BBK etxean. Ekitaldian izan dira Iñaki Goirizelaia Bizkaiko Campuseko errektoreordea, Jon Mancisidor BBKko zuzendariorde nagusia, Jose Urrutikoetxea Bizkaiko Esperientzia Geletako zuzendaria eta Gaizka Astorkiza ikaslea. Aurtengo ikasturtea proiektuaren hamargarrena izango da eta 392 lagunek parte hartuko dute. Haietariko 345ek Giza Zientzietako unibertsitate titulua egigo dute, eta gainontzeko 47k Helduentzako unibertsitate ikastaroak, Giza Zientzietako unibertsitate titulua eskuratu dutenei zuzendutako kurtsoak, unibertsitateko iturriek zehaztun dutenez. Giza Zientzietako unibertsitate tituluko lehenengo mailako 95 plazetarako 140 eskabide egon dira. Beraz plaza guztiak bete dira eta hainbat lagun itxaron zerrendan geratu dira. Izena eman ahal izateko baldintzak gutxienez 55 urte edukitzea eta jubilatua edo antzekoa edo etxeko andrea izatea dira, eta ez da inolako titulaziorik eskatzen.Ez zaie titulaziorik eskatzen. Adinari dagokionez, aurten 55 eta 80 urte bitartekoak dira ikasleak, baina gehienak 55 eta 65 urte artean daude. Argazkian, diploma ere ematen diete Esperientzia Geletan parte hartzen dutenei.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun