Haurreskoletako bazkarietarako onartutako laguntzak ez ematea leporatu dio Udalari Erandioko PPk

Aita-amek haurreskoletako jantokia ordaintzeko onartutako dirulaguntzat ez ematea egotzi dio EAJk osatutako Gobernu Taldeari Erandioko PPk. Javier Ruiz tokiko popularren bozeramaileak azaldutakoaren arabera, "2007ko aurrekontuetan 60.000 euroko diru partida onartu egin zen, guk aurkeztutako zuzenketa ontzat hartuz. Hurrengo urteko aurrekontuetan, berriz, 10.000 eurora arte murriztu zuten diru kopuru hori. Hala ere, gaur arte, jantokia ordaintzen jarraitzen dute gurasoek, udal gonbernuak laguntzak emateko konpromisoa hartu arren". Hori dela eta, udal arduradunen jokabidea "iruzurtzat" jo du Alderdi Popularrak. Ruizen hitzetan, "onartezina da proposamenak onartu eta, gero, ez betetzea. Herritarrei iseka egitea da hori". Argazkian, Astrabuduan eta Altzagan ditu haurreskolak Erandioko Udalak.