Uribe Kostako Zerbitzu Mankomunitateak eta Urtxintxa Eskolak antolatua, dagoeneko izena eman daiteke Berbalagun egitasmoan. "Lau pertsona inguruko taldeak elkartzen dira, euskaldun zaharrak eta berriak tartekatuz. Astean ordu betez geratzea adosten da hasieran, taldekideek beraiek, aukeratzen dutelarik non eta noiz gelditu, zer egin…", azaldu dute tokiko arduradunek. Horrez gain, berbalagun guztiak biltzen dituen ekintzak ere antolatzen dira, irteerak, afariak… modu honetan, euskararen harreman sareak gehiago zabalduz. Talde horien jarraipena egiteko, arazoak konpontzeko, informazioa zabaltzeko zein zalantzak argitzeko arduradun baten laguntza izaten da eta bera arduratzen da taldeen osaketaz, ekintzen antolaketaz…
Lan poltsak
Bestalde, zaintzaile, begirale (kirola, aisialdia...) eta eskola partikularretarako irakasle euskaldunen lan poltsak sortu nahi ditu Uribe Kostako Mankomunitateak. Dagoneko eskuragarri daude deialdiari buruzko informazio eta eskabide-orriak Mankomunitateko bulegoan, Sopelako Gatzarriñe kalean. Bestela, 946 762 674 telefono zenbakira deitzerik badago. Azkenik irailean ekin zieten berriro Euskaraz Olgetan (ikusi egitaraua pdf-n) izeneko jarduerei. Gauzak horrela, urrian, astean behin izango dira haur, gazte eta batzuetan familia osoari zuzendutako ekintza eta tailerrak, udalerri bakoitzean, hots, Lemoiz (astelehenetan, 17:00etatik 19:00etara), Urduliz (astearteetan, 17:30etik 19:30era), Plentzia (ostegunetan, 17:30etik 19:30era), Sopela (larunbatetan, 12:00etatik 14:00etara) eta Gorlizen (igandeetan, 12:00etatik 14etara).
Berbalagun egitasmoa bigarren urtez jarri du martxan Uribe Kostako Mankomunitateak
2008ko urr. 7a, 23:24
Berbalagun egitasmoa, euskaraz hitz egiteko ohitura dutenak eta ez dutenak elkartzen dituen egitasmoa da. Helburua, zaletasunak konpartituz, gozatuz eta jende berria ezagutuz, euskara praktikatzea, hobetzea edota plazara ateratzea da. Euskal Herriko hainbat herri eta hiritan dago martxan ekimena, eta iaz, Uribe Kostako Mankomunitateak abiatzea erabaki zuen. 60 pertsona inguruk hartu zuen parte proiektuan eta oso balorazio onak jaso ziren. Hori dela eta, aurten, berriro martxan jartzeko premia ikusi dute, eta urrian zehar, aurkezpenak izango dira Berbalagun egitasmoa hurbilagotik ezagutzeko. Euskara praktikatzeko edo euskara maila hobetzeko eta lagun talde euskalduna egiteko gogoa duenak 946 762 674 edo 605 773 541 (Aritz) telefono zenbakira edota berbalagunuribekosta[abildua]hotmail.com helbidera jo dezake. Argazkian, Getxo udalerrian zortzi urte dira Berbalagun egitasmoari ekin ziotenetik eta aurten Algortan eta Itzubaltzetan ospatu da Mintza Eguna / Egizu Getxo Euskaldun!Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun