![](http://farm4.static.flickr.com/3071/2924249055_758cea085e_m.jpg)
Getxoko
Bilgune Feministak egindako deialdiari erantzunez, dozena bat lagun batu da Algortako Telletxe plazan, Santurtziko
Doccas David 26 urteko neskaren hilketa salatzeko. Iluntzeko 7:30ean hasita, ordu erdiz egin dute kontzentrazioa gizon-emakumeek, "Patriarkatuak hiltzen gaitu! Emakumeon kontrako indarkeriari aurre egin!" zioen pankarta atzean. Santurtzin jazotakoarekin Euskal Herrian bost dira dagoeneko emakumeen aurkako bortxakeria erabiliz bizia kendu dieten andren kopurua. David igande goizean hil zuten Santurtziko Ramon y Cajal kaleko bere etxean. Autopsiaren datuak oraindik kaleratu ez dituzten arren lehenengo datuen arabera ito egin zutela ematen du. Gainera, eskuak eta oinak lotuta zituen eta odol arrastoak etxe osoan zehar baziren. Biktimaren senarra atxilotu zuen Ertzaintzak, hilketa berak egin zuela aitortu baitzuen, Herrizaingo Sailaren arabera. Iturri beraren arabera, gizonezkoak beste emakume batekiko urruntze agindua zuen 2007ko maiatzetik.