"Eraginkortasuna Getxon erabilienetakoa den hedabide baten bitartez lortu nahi da, Internet erabiliz alegia. Eta, zehatzago esanda, web gunearen, www.getxo.net-en bitartez", Loroñok azaldu duenez. Komunikazio zinegotziak emandako datuen arabera, irailean, esate baterako, 240.000 sarrera izan zituen udal web gunean. Bertan kirol atal berezia sortu du Udalak eta lehen hilabetean, eta horren ezelako berririk eman barik, 8.648 IP delako sarrerak jaso ditu. Kirol web berria apurka apurka joango da hobetzen, atal bera, bere edukiak eta euskarriak handituz. Uneontan, idatzizko informazioa eta argazkiak ezezik, soinu-dokumentuak jasotzen dira talde nagusietako protagonistei egindako elkarrizketekin (berauetan, asteburuko norgehiagoken inguruko gorabeherak, emaitzen azterketak eta beste hainbat gai kontatzen dituzte), eta gerora beste teknologia batzuekaz hornituko da web gunea (bideoarekin, sms-ekin, eta abar). "Atal berri honi esker, herritarrei kirol albisteak eskaintzeaz gain, web gune propioa duten kirol taldeei ere laguntza ematen die Udalak, lotureen bitartez zein modu zuzenean gaur gaurkoa ez den informazioa helaraztea ahalbidetuko baitu", gaineratu du Loroñok.
Elkarteen ataria
Komunikazio zinegotziak aurreratu du web berria Udalak abiatuko duen elkarteen atariarekin osatuta geratuko dela hilabete batzuk barru. Bere hitzetan, "aitzindaria den ekimena da, herriko giza, kultur eta laguntza erakundeak eta kirol talde guztiak babesteko asmatutakoa. Ekimenaren inguruko berri guztiak emango ditu aurrerago, baina elkarteen ataria elkargintzaren alorrean teknologia berrien erabilera bultzatzeko eta herritarrentzat elkarte hauen kolektiboa bistakoa izan dadin asmatuta dago”.
Orain hilabete batzuk kendu zituzten Getxo Irratiko parrilatik kirol albisteak eta orain hilabete bat gai horien berri emateko atal berezi bat jarri zuten Getxoko udal web gunean. Aipatu erabakia, "Udalaren Komunikazio Planean ezarritako zuzentarauen ondoriotzat" jo du gaur Josu Loroño zinegotziak: “Ekimen informatibo hau Getxo Irratian, udal irratian, eraginkortasun gutxirekin egiten ari zena ordezkatzeko abiatu da”, adierazi du. Loroñoren hitzetan, "entzule kopuru eskasa" zuten horrelako gaiek. Hain zuzen ere, tokiko informazioa zabaltzean, eta kasu honetan kirol elkarteen ganekoa zabaltzean "eraginkortasuna" da udal arduradunek bilatzen dutena: “Eraginkortasun hori, diru baliabide gutxiago erabilita hedapen handiagoaren bitartez lortuko dogu. Horrek udalerriko elkarteei urtean eman beharreko dirulaguntza %20 areagotzea ahalbideratu du” azaldu du Komunikazio zinegotziak. Bestalde, irratian horretan ziharduen jendea "prentsa kabineteko berezko lanak egitera" zuzendu dute. Argazkian, ondoko itxura dauka kirol web gune berriak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun