Frantziara eraman dituzte Lexuri Gallastegi eta Manex Zubiaga
2008ko urr. 13a, 21:58
Manex Zubiaga algortarra eta Lexuri Gallastegi berangoztarra urriaren 8an atera zituzten Soto del Realgo (Madril, Espainia) espetxetik eta 9an, ostegunean, Frantziara eraman zituzten Espainiako Poliziaren hegazkin batean, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Gallastegi Fleury-Merogis espetxean dago, Berangotik 913 kilometrotara. "Beharbada berriro lehenago destinoa zuen Marsellaseko espetxera eraman dezakete, baina esan bezala, oraingoz Fleury-Merogisen dago eta gaineko guztia hipotesiak egitea besterik ez da", azaldu du errepresioaren aurkako erakundeak. Bitartean, Zubiaga Fresnesen gaua egin eta dagoeneko Chateauroux espetxean dago berriro, hau da, lehenago destinoa izan zuen espetxean. "Bertan beste euskal preso politiko bi daude, baina prebentiboen moduloan, Manex kondenatuen moduluan dagoen bitartean, nahiko estu gainera bere etxekoei adierazi dienez", adierazi dutenez. Chateauroux Getxotik 746 kilometrotara dago. Argazkian, presoen aldeko mobilizazioa Berangon.Espainiako Auzitegi Nazionalak 1.481 urteko espetxe zigorra jarri zion Zubiagari eta 1.476koa Gallasteguiri, irailaren 29an, 2001eko azaroaren 6an Madrilgo Corazon de Maria kalean lehergailua jarri izana leporatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun