Leioa-Unbe foru errepideko tarte baten jabetza eskuratu dute EHUk eta Leioako Udalak
2008ko urr. 14a, 21:51
Bizkaiko Foru Aldundiaren Herri lan eta Garraio Sailak orain arte foru errepidea izan den BI-2731 Leioa-Unbe errepideko zati baten titulartasuna eman die Leioako Udalari. Elizateak berriki egindako eskariari Aldundiak emandako baiezko erantzuna dela eta Leioako Udalak Sarrienako errotondaren eta Erandioko mugaren artean dagoen errepide foralaren zatia bereganatu du. Dena den, eta Euskal Herriko Unibertsitateak Irakasle Eskolarako eta Parke Zientifikorako dituen asmoak direla eta errepide hori campusaren barruan geldituko denez, EHUrekin akordio batera heldu da Leioa. Horren bidez, Eneko Arruebarruena alkateak (argazkian) gaur prentsaurrekoan agertu duenez, Sarrienako biribilgunetik Barandiaran Goikoa institutu parean dagoen semaforora arte Leioako Udalaren zatia izango da, Mendibile auzoarekin lotzen den bidea hain zuzen ere. Puntu horretatik Erandioko udalerrira arte, bestetik, Euskal Herriko Unibertsitatearen zatia izango da.Aldundiak Leioako eskaria onartzeko ohikoak diren argudioak hartu ditu kontuan, batez ere errepide foralak hiriko ezaugarriak hartzen dituenean urbanizazioen igoerarekin, bidezkoa delako titulartasun hori udalen eskura pasatzea. Lagapen hau udal ekintzak eta herritarrak onestea du helburu, horrela oraindik aurrera zonaldeko eskaintzak egiteko herritarrak Udalera abiatu beharko dira orain arteko prozedura erraztuz. Bestalde, egoera berri hori mantenimendua eta erantzukizuna Udalarenak eta EHUrenak izatea eskatzen du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun