Bigarren atala ere gurasoentzat zuzenduta egongo da. Horretan, elkarrizketarako baliabideak erakutsiko dizkiete gurasoei tailer batzuen bidez eta euren seme-alabekin dituzten gatazkak konpontzeko bideak emango zaizkie. "Joan den urtean izandako arrakasta ikusirik" aurten tailer horiek indartzea erabaki dute. Horrela, guztira gutxi gorabehera 20 bat pertsonek osatutako bost talde egingo dira eta hil honetan zein datorrenean gauzatuko dira. Lehendabizi aurkezten direnentzat oinarrizko maila izango duten hiru tailer ezberdin antolatuko dira, eta iaz parte hartu zutenentzat maila aurreratuagoa duten tailer bi izango dira.
Hirugarrenik, elkarkidetza jorratzen duen mahai ingurua dago. Bi saio ezberdin izango dira, azaroan eta abenduan, eta gaian interesa duen edozein herritar parte hartu ahal izango du, gutxienez 8 pertsonako bilerak izango direla. Bertan "herriko elkarkidetza lortzeko ematen diren ekintzak" aztertu eta baloratuko dira.
Azkenik, diagnostiko osatuko da. Gutxienez 50 elkarrizketa emango dira, lau eztabaida talde eta herritarrak osaturiko galdeketa baten ondorioak osatuko dute azken diagnostiko hau. Horrekin herriaren elkarkidetza osoa lortzeko diren betebeharrak zehaztuko dira, eta horretarako plan berezi bat zehazten dituzten ildo nagusiak finkatuko dira abendurako.
Leioak 50.000 euro bideratuko ditu "bake kultura" sustatzeko
2008ko urr. 15a, 17:53
Leioako Udalak 52.464 eurotan esleitu ditu aurtengo "bake kultura eta bitartekotza komunitarioa" sustatzeko ekintzak. Iaz ere antolatu zuen programa hori aurten lau ataletan banatuta dago, elkarrizketarako gida baten aurkezpena, prestakuntza tailerrak, mahai ingurua eta diagnostikoa. Hartzaile nagusiak ikastetxe publikoetako ikasleak izango dira, baita hauen gurasoak ere. Programaren garapena, EHUko GEUZ Gatazka Eraldatzeko Unibertsitate Zentroaren esku utzi du Udalak. Programaren lehen fasea elkarrizketa sustatzeko eta familia gatazkak ebazteko gida baten aurkezpena izango da. Gida hori "joan den urtean garatu zen eta orain hitzaldi baten bidez aurkeztu eta banatuko zaie ikastetxeetako gurasoei", udal iturriek jakinarazi dutenez. Horretaz gain, beste bide batzuk ere bilatuko dira Leioako famili guztiei heltzeko, horrela ikastetxe publikoez gain pribatuetan ere banatuko da hil honetan, guztira bederatzi zentroetan. Irudian, kanpaina iragartzeko erabilitako marrazkietako bat.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun