Iraganari buruz eduki beza bakoitzak bere bertsioa. Arrazoi erabatekoaren umiliazioaren gainean ezin da herririk eraiki. Baina mintza gaitezen aguro etorkizunaz.
EAJko jendearekin konpartitu nahi ditugu nazioa eta estatua. Baina egunotan ikusten den moduan, Urkulluk gura duen zerbait eduki beharko dugu, guk gura dugun zerbait egin dezan. Horretarako egurra eman beharko zaio hauteskundeetan eta ideietan. Epe luzeegia, bitartean, atzerriko kartzeletan bahituta dauzkagun lagunak etxera etortzen hasten ez badira.
Eta menu honen mantel edo zamu modura, Loiolako paper abstrakto hura behar dugu, Madrilek sinatua.
Barçari irabaztea baino zailagoa da. Baina talde hobea daukagu.
Fredi Paya bertsolari algortarrak gaur "Berria" egunkarian argitaratutako artikulua
Fredi Paya: "Europara bidea"
2009ko eka. 12a, 12:22
[Berria.info] Arriskuetan aukerak ikustera behartuta gaudenontzat, europar hauteskundeetako iruzurra jokaldi eder bihur liteke. Bizitza ematen dabiltzanen Ezker Abertzaleak, Europako Batasuneko sektore politiko zapalduena izan arren, herri honetan estrukturala dela erakutsi duelako indartsuki. Eta hauek europar bozak dira. Ez epaileek lehendakariak aukeratzen dituzten txerri askak. Ganorazko ikerketa behar luke, ganora bako apartheid egoera baten bozgorailu izan litekeena. Estrasburgora begira, eskerrak PSOEren sasoietan bizi garen. Beti bezain zikin, beti bezain eskumara saldua, eta beti bezain txapuzeroa. Abertzaleon atomizazio prozesua irauli behar da. Kontzentrazio bidimentsionalaren sasoia da. Hau da, ardatz sozialak eta nazionalak ebakitzen duten ezker abertzale zabalaren sektorea bateratu behar da. Irtenbidea ez da negoziazioa, negoziazioak baizik.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun