Testuak adierazten du Euskal Herriko Unibertsitateak eta Euskal Autonomia Erkidegoko osasun-erakundeek denbora daramatela elkarlanean ikasleei prestakuntza ematen, baina elkarlan hori ez dela sekula itun batean jaso. Orain onartu den dokumentuak lotura ezartzen du osasun-zerbitzuetako zenbait lanposturen eta unibertsitateko zenbait irakasle-lanposturen artean, eta bermatu egiten du euskal osasun-sistemaren erabilera Osasun Zientzien arloko titulazioetako ikasleei prestakuntza emateko. Hitzarmenaren helburu zehatzei dagokienez, hiru motatako ekintzak aurreikusten dira dokumentuan: irakaskuntzari lotuak daudenak, asistentzialak eta ikerketakoak. Era berean, zehazten du honako ospitale hauek erabiliko direla irakaskuntzarako: Basurtu eta Gurutzeta Bizkaian, Txagorritxu Gasteizen eta Donostia Ospitalea Gipuzkoan. Unibertsitate-ospitale izena hartu ahal izango dute erietxeok.
Era berean, Gobernu Kontseiluak onartu du zenbait aldaketa egitea irakasle eta ikertzaileen lanpostuen zerrendan, hala lan-kontratuko irakasleen lanpostuetan nola funtzionario eta administrazio-kontratudunen lanpostuetan. Hori dela eta, aldi baterako irakasle elkartuen talde bat lan-kontratuko irakasle iraunkorrak izatera pasatuko dira.
Osakidetzarekiko itunari "argi berdea" eman dio EHUk
2008ko urr. 17a, 21:46
Euskal Herriko Unibertsitateko (EHU) Gobernu Kontseiluak ezohiko batzarra egin du gaur eta, horretan, "argi berdea" eman diote EHUren eta Osakidetzaren arteko ituna onartzeko proposamenari, osasun-instalazioak ikerketa eta irakaskuntzarako erabiltzeari begira. Dokumentua behin onartuta, EHUk proposamena bidaliko dio Gizarte Kontseiluari txostena egin dezan, gero Eusko Jaurlaritzak itunari onespena eman eta argitara emateko. EHUko iturrien arabera, Osasun Zientzietako unibertsitate-ikasketak (Medikuntza, Erizaintza eta abar) egin behar dira bai unibertsitatean eta bai osasun-erakundeetan, eta erakunde bietako irakasleek eman behar dituzte. Hori dela eta, bi erakundeon arteko harreman hori "itun" izeneko dokumentu batean zehaztu behar da. Hori, baina, egiteke egon da orain arte Araba, Bizkaia eta Gipuzkoan. Egoera hori konpontzeko, batzorde misto bat eratu zen, itunaren testua landu eta azkenean behin betiko proposamena egiteko. Orain proposamen hori aurkeztu zaio Euskal Herriko Unibertsitateko Gobernu Kontseiluari, eta organo honek onespena eman dio gaur. Argazkian, Leioako campuseko hainbat fakultate.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun