Asteburu honetan Kataluina aldera egin du bidaia Leioako Askartza EHUk, Espainiako waterpolo ligako Lehenengo Mailako bigarren jardunaldia jokatzeko. Bertan, Hospitalet klubaren aurkaka partida daukate leioaztarrek larunbat honetan, urriak 18, 18:00etan. Igaz, joko kazkarra eginez galdu zuen (13-10) bertoko norgehiagoka Askartzak. Eta aurten ligako lehenengo garaipena lortu nahi izango du bere etxean Hospitaletek, joan den astean 7-5 galdu baitzuen katalana ere den Horta taldearen kontra. Hala ere, Gorka Martinez de Osaba leioaztarren kapitainak argi dauka: "Talde sendoa da Hospitalet, orain pare bat denboraldi Ohorezko Mailatik jaitsi zena. Baina, hori horrela izanda ere, edozein talderi irabazteko kapaz gara. Gogo faltagatik ez da izango. Beraz, badugu abantaila, ezta?". Une honetan Askartza laugarrena da 12ko taulan, CN Catalunyaren aurka etxean 9-8 irabazi ostean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun