Karraren hotzetan, "irabazi beharreko partida" zen atzokoa. Eta, hasieran, Jeremias Palumbok Nin valentziarrak gauzatutako zigor kolpeari halako beste batekin erantzun zion arren, Abelles taldea nagusituz joan zen lehenengo zatian: Albrisik eta bigarren lerroko Nadalek entsegu bana lortu zuten. Berdintzea (13-13) lortu zuten hori-beltzek, Palumboren jaurtiketari eta Abateren entseguari esker. Hala ere, bigarren zatiak traza berbera hartu zuen. Valentziarrek lortutako azken entsegua erabakiorra izan zen eta getxoztarrak amaieran baino ez ziren esnatu. Dagoeneko berandu. Berriro ere "jasotako umiltasun ikastaroaz" aritu zen akabuan Karra: "Barkaezina da autobusez eta atsedenik hartu gabe 800 kilometro egin dituen talde bati etxean bezala jokatzen uztea. Gogo handiagoz ibili direlako irabazi gaituzte. Guk, ordea, akats larriak egin ditugu etengabe. Bestalde, aitzakia iruditu arren, aldatzeko jokalaririk ez dugu izan lehenengo lerroari arnasa emateko. Jokalariekin hitzegin beharko dugu", azaldu zuen entrenatzaileak.
Getxo Artea RT 13 – 18 Les Abelles
Partidaren fitxa:
13-Getxo Artea: Alzola, Dani Rodriguez, Aboitiz, Duran, Lee Williams, Agirre, Lopategi, David Hernandez, Mirones, Palumbo, David Martin, Monasterio, Abate, Garate eta Elder eta, beranduago, Zaballa eta Etxeandia.
18-Les Abelles: Montofano, Lionel, Conejero, Parra, Marti, Viñuela, Nadal, Poulsen, Montiel, Nin, Poggi, Albrisi, Montoliu, Treacy eta Perez del Castillo eta, beranduago, Marquez, Bottarini, Arnuchi eta Uriburu.
Markagailua: 0-3. Min. 5. Nin-en zigor kolpea. 3-3. Min. 6. Palumboren zigor kolpea. 3-8. Min. 15. Albrisiren entsegua. 6-8. Min. 18. Palumboren zigor kolpea. 6-13. Min. 25. Nadalen entsegua. 13-13. Min. 29. Abateren entsegua, Palumbok transformatua. 13-18. Min. 45. Conejeroren entsegua.
Epailea: Joao Morriña (Portugal).
Igo berri baten aurka estropozu egin du Getxo Rugbyk
2008ko urr. 20a, 14:50
Espainiako Rugby Ligako ohorezko mailara igo berri den Les Abelles talde balentziarren aurka huts egin zuen (13-18) atzo, Faduran jokatutako partidan, Getxo Arteak. Hori-beltzak ez ziren gai izan norgehiagoka osoan aurkari nagusitzen eta, bitartean, behar zutena baino gehiago eman gabe, garaipena poltsikoratu zuten Valentziakoek. Akabuan, poz-pozik ospatu zuten gainera. Les Abellesen lerrokatze onaz gain, lau jokalari getxoztar lesionatuta egotea erabakigarria izan zen atzo. Larunbatean, hilak 25, berriro izango dute aurrez aurre, Faduran, AMPO Ordizia, Jose Luis Martinez "Karra" eta Javichin Diaz Paternainen ardurapekoek. Hamar taldeko sailkapenean zortzigarren dago orain Getxo Artea, lau partidetatik bakarra irabazita. Bitartean, neskek 94-0 irabazi zioten Arrasateri, larunbatean etxean jokatutako Euskal Ligako hirugarren partidan. Hirutik hiru eta guztietan aurkaria punturik egin gabe.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun