Bi adin txikikoak euren gurasoen ardurapean utzi dituzte, Adin Txikikoen Fiskaltzari gertatutakoaren berri emanda, eta nagusiagoa den gaztea, Getxoko guardiako epaitegiaren esku utzi dute.
Bestalde, Ertzaintzak beste lau lagun atxilotu ditu Uribe Kostan eta Erandion, kasu honetan alkoholaren eraginpean gidatzeagatik. Larunbatean, pertsona bat harrapatu zuten Getxo udalerrian eta igandean, berriz, beste bi Erandion eta azken lagun bat Barrikan.
Getxoko Udaltzaingoak hiru gazte atxilotu zituen atzo igandean, bat 18 urtekoa eta beste biak adin txikikoak, hirurak getxoztarrak, ustez Itzubaltzeta / Romoko Urkizu kaleko edariak saltzeko makinen lokal batean lapurtzeagatik. Getxoko Udaltzaingoaren Koordinazio Zentroan lekuko baten deia jaso ostean, poliziak aipatu saltokian bertaratu ziren eta ikusi ahal izan zuten makinetako baten kristala apurtuta zegoela eta, barrutik, edari lata batzuk falta zirela, tokiko iturriek zabaldutako bertsioaren arabera. Halaber, saltoki ingurutan aparkatuta zegoen auto baten azpian makinaren kristala apurtzeko erabili zuten estolda estalkia aurkitu zuten. Handik gutxira, udaltzainek, Itzubaltzetako beste kale batean, freskagarri poto batzuk edaten ari ziren hiru gazte topatu zituzten. Lekukoak emandako ezaugarriekin bat zetozen eta lapurretaren egileak ziren zantzu garbiak agertzen zituzten, Udaltzaingoak dioenez. Aparkatuta zeuden auto azpietan eta inguruko zakarrontzi baten barruan saltzeko makinatik lapurtutako potoak ere aurkitu zituzten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun