![](http://farm4.static.flickr.com/3014/2966501665_009392146d_m.jpg)
Itzubaltzeta / Romoko G.F. bizilagun gazteari zazpi hilabeteko zigorra ezarri dio gaur Barakaldoko 2. auzitegiak. Epaileak aintzat hartu du gaztearen defentsak eta Fiskaltzak erdietsitako akordioa eta 4 hilabeteko espetxe zigorra jarri dio gazteari, 2007ko martxoaren 21ean, Ertzaintzak
Dorretxea gaztetxea zena hustu osteko "kale istiluetan" edukiontzi batzuk irauli zituela ebatsiz. Era berean, beste hiru hilabete ezarri dizkio asmorik gabe neska bati lesioak eragin zizkiola argudiatuta. Bestalde, gazteak azaldu duenez zauritutako neskarekin ere akordio batera heldu zen. Oraindik, epaitegiak ez du zehaztu G.F.-k zigorra bete behar izango duenik edo ez. Dena den, gazteak "ontzat" jo du lortutako akordioa, bera
atxilotu zuten Espainiako Poliziako agenteak bera "barrura sartzeko tematuta" zeudelakoan. Argazkian, Barakaldoko Justizia Jauregia.