Herritarrek makalen gerizpea gogoko dutela aintzat hartuta, batik bat udan zehar, zuhaitz aldaketa bi ataletan egingo da. Horrela, berdeguneen aldaketa egiten den bitartean, barbakoak dauden inguruko gerizpea bere horretan utziko da. Lehen zatia udazkenean eta negua artean egingo dute, eta azaleraren erdiari eragingo dio. Futbol zelaira doan bidean dauden makalak moztuko dira azaroan zehar, saskibaloi zelaiaren eta ibaiaren ondoan daudenak, hain zuzen. Zuhaitzak erabat kenduta daudela, abenduan lurra prestatuko dute, urtarrilean zuhaitz berriak landatzeko.
Jarriko diren zuhaitzen %70 haltzak izango dira (Agnus glutinosa) eta lizarrak (Fraxinus excelsior). Gainontzeko espezieak haritzak (Quercus robur), gereziondoak (Prunus avium), astigarrak, zumarrak, tiloak eta hurritzak izango dira. Lehen ekintza honetan landatutako zuhaitzek duten bilakaeraren arabera egingo da bigarren fasea, gutxi gorabehera bost urteko epean. "Horrela, biziberritutako inguruan egin ahal izango dira picnic jarduerak, herritarei ahalik eta eragin txikiena sortuz", gaineratu dute tokiko arduradunek.
Urkon gaixorik dauden makalen lekuan haltzak landatuko ditu Sopelako Udalak
2008ko urr. 24a, 22:36
Urkoko makalei buruz Bizkaiko Foru Aldundiak eta Eukal Herriko Unibertsitateko Landareen Fisiologiaren Departamenduak eginiko ikerketaren arabera, Uribe Kostako Mankomunitateak aurrez egin zuen azterketak datu zehatzak bildu zituen: Larrabasterrako inguru horretako zuhaitzak ez omen daude egoera onean. "Makalak oso hondatuta daude zuhaitz kopuru handiarengatik eta zainketa lan urriarengatik. Gaixorik edo oso ahul daude zuhaitz gehienak, enborretan zauri beltzak dituzte eta adar eta hostoak lehortuta dauzkate", azaldu dute udal iturriek. Makal multzoaren barruan duten lekuaren arabera hazi dira zuhaitz batzuk eta ez besteak. Barrukoak oso garaiak dira, baina enbor finak dituzte eta bazterretakoek garaiera ezezik, zabalera nabarmena ere badute, "erortzeko arrisku nabariarekin, oso okertuta baitaude". Egoera honetan, eta Aldundiaren, EHUren eta Mankomunitatearen iritziak jarraituz, egungo makalen ordez, apurka-apurka haltzak jartzea erabaki du Sopelako Udalak. Jarduera honekin, Urko inguruko berdeguneak berreskuratzen jarraitu nahi dute ibai bazterretan ohikoak izan diren landareei lehentasuna emanez. Argazkian, Karmen jaietan Urkoko zuhaitzen gerizpean egin ohi dute marmitako lehiaketa.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun