Gaur egingo diote azken agurra Muskizko hondartzan itotako emakume leioaztarrari

Leioako San Juan Bataiatzaile elizan egingo dira gaur, arratsaldeko 7etan, Muskizko hondartzan itotako emakume leioaztarraren omenezko hileta elizkizunak. 64 urteko M.S.M.I. larunbat arratsaldean hil zen La Arena hondartzan. Beste andre batekin itsasertzetik osteratxoa egiten zebilen olatu batek andre biak harrapatu zituenean. Bigarren andrea onik atera zen. Eusko Jaurlaritzaren Herrizaingo Sailak jakinarazi zuenez, ezbeharra 14:45 aldera gertatu zen. Ordu horretan, Ertzaintzak istripuaren berri izan zuen eta hondartzara bertaratu zen. Emakumeetako bat bere kabuz irten ahal izan zen uretatik, baina bestea Ertzaintzak atera behar izan zuen hondartzara iritsitakoan. Emakumea berpizten saiatu ziren, baina azkenean ezin izan zuten ezer egin bizirik mantentzeko. Argazkian, Muskizko hondartza.