Sendi egitasmoaren barruan, hainbat ekitaldi antolatu ditu ikasturte berrirako Egizu Getxo Euskaldun! elkateak, udalerriko haurren aita-amek euskara erabiltzea sustatzeko eta belaunaldien arteko hizkuntza transmisioan eragiteko helburuarekin. Horrela, hilaren 4an soinu-jostailu tailerra egingo dute Algortako Zabala ikastetxean, 5 urtetik gorako ume euskaldunentzat. Izena emateko epea urriaren 31an amaituko da. Handik bi egunetara, Koldo Amestoy ipuin kontalariaren saioa izango dute 9 urtetik gorako txikiek, Getxoko Geroa ikastolan. Azaroaren 13an, berriz, kirol jolasak egingo dituzte Algortako San Nikolas ikastolan, 4 eta 6 urte arteko bitartekoentzat . Horietan izena emateko epea azaroaren 11an amaituko da. Argazkian, Sendin ibilitako gurasolagun taldeetako bat.
Ekitaldiekin jarraituz, azaroaren 20an arte tailerra egingo dute Areetako Madre del Divino Pastor ikastetxean, Haur Hezkuntzako lehenengo, bigarren eta hirugarren mailako haurrentzat eta euren gurasoentzat. Izena emateko epea hilaren 18an amaituko da. Azkenik, pizza tailerra izango da 26an eta izena emateko epea bi egun lehenago amaituko da. Aurreko ikasturtean, 2007/2008koan, Sendik 24 jarduera antolatu zituen eta horietan mila bat lagunek parte hartu zuten. Bereziki partaidetza ona eduki zuten gurasolagunen taldeek, guztira 40 aita eta ama biltzen ibili baitziren 8 taldetan banatuta. Informazio gehiago lortzeko 685 732 963 telefono zenbakira deitu behar dute pertsona interesatuek edo bestela sendigetxo[abildua]yahoo.com posta elektronikora jo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun