Ipar Euskal Herriko mendiei buruzko solasaldia eta diaporama izango dira bihar Algortan
2008ko urr. 29a, 18:24
Ipar Euskal Herriko mendiei buruzko solasaldia eta diaporama izango dira ostegun honetan, urriak 30, Panpi Olaizola mendi gidariaren eskutik, Getxoko Udal Euskara Zerbitzuak antolatutako Iparra Galdu Gabe III. Jardunaldien barruan. Saioa 20:00etan hasiko da, Algortako Villamonteko kultur etxean. Olaizolak ingurumen arloko ikasketak egin ditu eta diaporaman urtaro-urtaroko mendien irudiak erakutsiko ditu, Zuberoatik Lapurdira, horien ezagutza zabaltzeko. Argazkien bidez, inguruko ondare historikoa erakutsiko du. Azaroaren 9an, berriz, Olaizola bera gidaria izango dela, mendi ibilaldia antolatu dute Ipar Euskal Herrian. Argazkian, bitartean, azaroaren 9ra arte egongo da zabalik “Batek mila, Euskal Munduak” erakusketa Algortako Telletxe plazan.Irteera goizeko zortzietan izango da, 10:00ak aldera Saran egon ahal izateko. 8 kilometro inguruko itzulia izango da, 450 metroko desnibelarekin eta iraupena 4 ordukoa. Ibilaldia amaitutakoan bazkaria (norberak eramandakoa) izango da eta, ondoren, euskal pastela eta Baionako sagardoa doan dastatzeko aukera izango dira Saran. Izen-ematea Villamonteko kultur etxean egin behar da eta prezioa 3 euro izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun