Presoen aldeko zortzi kontzentrazio izango dira etzi Uribe Kosta eta Erandion

Hilero bezala, biharko, urriko azken ostiralerako, hainbat kontzentrazio deitu du Etxerat euskal preso politikoen senideen elkarteak Euskal Herri osoan. Uribe Kostan eta Erandion zortzi hitzordu izango dira: 19:30ean, Armintzan, bus geltokiaren aurrean; 20:00etan, berriz, Erandion, metro aurrean; Leioan, Boulevardean; Itzubaltzeta / Romon, Xake plazan; Algortan, Telletxe plazan; Berangon, Gudari enparantzan; Sopelan, udaletxe aurrean eta Urdulizen, BBVAren aurrean. Elkarretaratzearen ondoren, taloak egingo dituzte Leioako Kurkudi eta Algortako Amnistia tabernetan. Besteak beste, aipatu azken herri horretan Anjel Figueroa preso gaixoaren egoera gogoratuko dute. Bitartean, eskualdeko hainbat blogetan Amnistia tabernan kontzentrazioaren ondoren izango den Sexu Gauean parte hartzera deitu dute. Hitzordua 20:30ean jarri dute. Argazkian, azken ostirala Algortan.