Kiki Bordatxo taldean bost musikari, esku soinua, trompeta, arrobita, bateria eta tronboi joleak daude. Urte asko daramatzate herriko festak, dantzaldiak eta erromeriak alaitzen. Horrekin batera txitxiburduntzia izango da, Iparraldeko txerrikiarekin, sagardoarekin eta Irulegiko ardoarekin.
Larunbateko taldeak
Elaudi taldea 1997an sortuta, Hazparneko eta Isasuko honako musikari hauek osatzen dute: Pantxix Bidart (boza, kitarra,flauta), Mirentxu Aguerre (boza, pandereta), Yves Bidart (boza, perkusioa), Andde Carrere (boza, kontrabaxua), Xabier Itzaina (boza, kitarra, txirula,ttunttuna). Orain arte “Ilunatze”, “Gizonak balaki” eta “Denborarena” CDak kaleratu dituen taldeak bere folk musikan munduko hainbat herrialdeetako musiken eragina dago, tartean Euskal Herriko kantak, Maliko bluesa, arabiar mundua, Kuba edo ijitoen doinuak. Bere hitzetan euskal idazle baten olerkiren bat entzun daiteke.
Aurkezpenik behar ez duen Ken Zazpi taldeak “Argiak” laugarren eta azken laneko 12 abestu ekarriko ditu Getxora. Eñaut Elorrietak (kitarra, abotsa), Igor Artzanegik (baxua), Beñat Sernak (kitarra), Iñaki Zabaletak (trikitixa,teklatua) eta Jon Freskok (bateria) osatzen duten Gernika aldeko taldeak kantu sarkorrak, lelo distiratusak eta mezu konprometituak eskaintzen ditu.
Iparra Galdu Gabe (pdf) III. Jardunaldiak aurrera jarraitzen dute Algortan eta horien barnean asteburu honetarako hainbat ekitaldi prestatu ditu Getxoko Udaleko Euskara Zerbitzuak, musika protagonista izango dela. Bihar, ostirala, Lapurdiko Kiki Bordatxo taldearen eskutik erromeria izango da Algortako San Nikolas plazan (edo Getxo Antzokian, euria eginez gero), 19:00etatik aurrera. Larunbatean ere erromeria doinuak entzun ahal izango dira, Hazparneko eta Itsasuko Elaudi taldeak Getxo Antzokian 20:00etan eskainiko duen emanaldiari esker. Haien ostean, Ken Zazpi talde gernikar ezagunak enegarren aldiz aurkeztuko du eskualdean "Argiak" bere laugarren eta oraingoz azken diskoa. Lekurik gabe gelditu daitezkeenentzat pantaila handia jarriko dute San Nikolas plazan. Bestalde, Pasa den astean Getxo Sound jaialdian ez bezala, asteburu honetako kontzertuetan txosna izango da, San Nikolas plazan bada ere. Horretaz Atfal Sahararen aldeko elkartea arduratuko da. Azkenik, Egizu! elkartea Elaudi eta Ken Zazpiren kontzerturako sarrerak oparitzen dabil. Argazkian, Eñaut Elorrieta Ken Zazpiren abeslaria Lezon, Gazte Topagunean, emandako kontzertuan / Saioa Cabañas.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun