Altzagako Bekoa ikastetxean eguzki panelak jarriko dituzte, Erandioko Udalak eta Energiaren Euskal Erakundeak (EEE) sinatu duten lankidetza hitzarmenari esker. Horren arabera, datozen hamabost urteetan udal eraikinaren teilatuan plakak jartzeko baimena ematen dio tokiko erakundeak EEEri eta Udalak ez du gasturik izango panelak jartzeko obrak egiterakoan. Eguzki planta fotovoltaikoak 5 kilowatio sortuko du eta energia hori zuzenean txertatuko da elektrizitate sare nagusian, udal iturriek zehaztu dutenez. Plantarekin batera informazio pantaila bat jarriko dute lortzen ari den energia eta ustezko erabilerari buruzko unean uneko informazio zehatza emateko. "Horrela, herriko gaztetxoek zein helduek aukera izango dute energia berriztagarrien erabilerari buruzko informazioa eskuratzeko eta ikasteko nola lortzen diren, zertarako erabiltzen diren eta dituzten abantailak", diote tokiko agintariek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun