Gainera, Ingurumen Saila berak gaia aurkeztu eta justifikatu izana "erabateko harridura" sortu die. Eta babestutako espezieak ez badira ere, zonaldeari zuhaitz-masaren ekarpena egiten ziotela eta "behar-beharrezkoak" zirela gogoan izan dute sozialdemokratek. Hori dela eta, Ingurumen Sailak ehiza-debekualdia amaitu eta filosofia berarekin jarraituz udalerriko beste leku batzuetan antzeko operazioak egingo ote duen kexu agertu dira EAn.
Azkenik, ezkien ordez gorostiak landatzea ere kritikagarritzat jo dute, zuhaitz horrek oso deigarriak eta ugariak diren baia gorri toxikoak dituelako, oso hazkunde geldoa duelako eta ebakitakoak baino masa askoz txikiagoa izango dutelako.
Getxoko Eusko Alkartasunak Areetako Santa Ana kalean Udalak 16 ezki ebaki izana salatu du gaur goizean. Prentsa ohar baten bidez, alderdi sozialdemokratak Udal Gobernuaren jarrera gaitzetsi du eta tokiko gobernuak emandako arrazoiak "argudio nahikoak ez" direla azpimarratu du: "ez espaloien hobekuntzak, ezta eragin zitzaketen balizko kalteek ere, ez dute zuhaitzak erabat ebaki izana justifikatzen". EAren arabera, "egun aipatutako zuhaitzetatik sor litezkeen arazoak edo kalteak konpontzeko badaude aplika daitezkeen bitarteko teknikoak". Horrela, herri guztietan espaloietan, ubideetan, gas tutuetan edota elektrizitate hodietan zuhaitzak badaudela gogoratu dute EAkoek, baina inon ez dira zuhaitz guztiak mozten, azpimarratu dutenez. Argazkian, langileek hondeamakinaz ezki baten motzondoa ateraz, auzokideen aurrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun