Leioako Andoni Aresti Landa dantza eskola izan da Behargintzaren aurtengo Lur Barriak lehiaketaren lehenengo saria irabazi duena, 6.000 euro hain zuzen. Sari banaketa gaur izan da Bermeoko Kafe Antzokian eta bertan beste zazpi sari banatu dituzte. Lehiaketa Bermeoaldea, Erandio, Getxo udalerria, Leioa, Mungialdea, Txorierri eta Uribe Kostako enplegu zentroek antolatzen dute urtero, kultura ekintzailea eta enpresen sorrera bultzatzeko asmoz. Beraz, lehen postuaz gain, Behargintza bakoitzeko 2.500 euroko bigarren sari bat banatzen da. Eskualdeari dagokionez, gainontzeko sarituak honako hauek izan dira: Leioan, “De tierra y mares”, ingurumen eta gizarte erantzukizuna uztartzen dituen proiektua; Erandion, “RK Abentura” piragua ibilaldiak; eta Getxon, etorkizunean egin nahi duten dinosauroen parke tematikoa. Argazkian, Andoni Aresti dantzaria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun