Manex Zubiaga bakartuta daukate Chateauroux espetxean
2008ko aza. 4a, 17:24
Amnistiaren Aldeko Mugimenduak Espetxeen Egoera txostenean zabaldu duenez, Chateauroux espetxe frantziarrera eraman zutenetik bakarrik dago Manex Zubiaga preso politiko algortarra, bertan beste bi kide izan arren; beste galeria batean baitaude. "Erregimen itxia ezarri diote, ordu beteko patioa goizez (8:00etatik 9:00ak arte) edo kiroldegia. Arratsaldez beste ordu t’erdi patioa. Ordenagailuko disko gogorrean zituen gauzak (musika,…) ezabatu dizkiote. Prakak edo jertsea jartzeko baimena eskatu behar du. Ziegako giltza ere kendu diote", azaldu du errepresioaren kontrako erakundeak. Zubiaga urriaren 8an atera zuten Soto del Realgo (Madril, Espainia) espetxetik, Lexuri Gallastegi berangoztarrarekin batera, eta 9an Frantziara eraman zituzten biak Espainiako Poliziaren hegazkin batean. Gallastegi Fleury-Merogis espetxean dago, Berangotik 913 kilometrotara. Bestalde, Chateauroux Getxotik 746 kilometrotara dago. Argazkian, presoen aldeko mobilizazioa Berangon.Espainiako Auzitegi Nazionalak 1.481 urteko espetxe zigorra jarri zion Zubiagari eta 1.476koa Gallasteguiri, irailaren 29an, 2001eko azaroaren 6an Madrilgo Corazon de Maria kalean lehergailua jarri izana leporatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun