Ostegun honetan, azaroak 6, "TMEO" satirazko umore argitalpenaren 100. alearen aurkezpena egingo dute Arte Ederretako Fakultateko gradu aretoan, EHUko Leioa eta Erandioko campusean. Ekitaldian egongo dira Iñaki Larrimbe eta Kini argitalpenaren kudeatzaileak eta galderaren bat egiten duen bakoitzari aldizkaria oparituko zaio. Aldizkariaren 100. alea ospatzeko, Ezten kultur taldeak argitaratzen duen bi hilabetekari honek ehun orrialdeko ale berezia prestatu du; bertan, ohizko idazlari eta irudigileez gain, aspaldiko hainbat lankidek eta gonbidaturiko artistek ere parte hartu dute. Biharko ekitaldia 11:00etan hasiko da. Argazkian, "TMEO" aldizkariaren 100. alearen ospakizuna Gasteizen / Adri H.
"TMEO"ren lehenengo alea 1987an kaleratu zen, 80eko hamarkadan jarduera profesionala hasitako zenbait egile biltzeko eta beren lanak erakusteko asmotan. Hain zuzen ere, "Hamelin" eta "Octopus" desagertutako fanzineetako lankideek elkarrekin lan egiten hasi ziren unean jai zen argitalpen berria. Ordutik hona, istoriotxo garratz eta kritikoak argitaratu ditu aldizkariak, betiere filosofia independentea erakutsita eta zuzentasun politikoa alde batera utzita. Horrek guztiak paregabeko nortasuna eman dio aldizkari. Bartzelonako Komiki Erakustazokan fanzinerik onena izendatu dute bi aldiz (1990n eta 2001ean); halaber, 1989an Grenobleko Komiki Erakustazokako sari berea ere jaso zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun