Abenduaren 14ra bitartean igandero dago pilota partida Getxon
2008ko aza. 6a, 13:38
Azaroaren 2an abiatu zen Getxoko Esku Pilotako Gabonetako XX. Txapelketa. Getxoko Euskal Pilota Taldeak antolatuta eta Getxoko Udalaren babesaz, Andra Mariko frontoiak igandero hartuko ditu partidak, abenduaren 14a arte. Orduan finalak jokatuko dira. Aurrekoetan bezalaxe, promesen kategoriako (22 urtetik beherakoak) eta Lehen Maila Bereziko Afizionatuen arteko zortzina bikote lehiatuko dira, udal iturriek zehaztu dutenez. Igandero partida bana jokatuko dute kategoria bakoitzean, finalera iritsi arte. Norgehiagoka guztiak 11:00etatik aurrera izango dira. Bestalde, Gorliz, Leioa eta Getxoko taldeak buru-belarri sartuta dabiltza eskolarteko txapelketan. Abenduaren 13ra bitartean, larunbatero izango dituzte partidak umeek, 16:30ean. Gainera, norgehiagoka horietatik batzuk eskualdeko frontoietan jokatuko dira.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun