Zientoetxeko errepidea konpondu egingo dute
2008ko aza. 6a, 20:00
Bizkaiko Foru Aldundiak Getxoko Udalaren eskuetan utziko du Zientoetxeko errepidearen (BI-3722) Benta eta Azkorriko hondartzaren arteko zatia. Bi erakundeen arteko hitzarmenari esker, 2.290 metro luzerako errepide zatia emateaz gain, 1.400.000 euro jarriko ditu Aldundiak, tarte hori herri barruko bide bilakatzeko lanak egiteko. Udalak proiektatu, zuzendu eta egingo ditu obrak. Joseba Arregi Hirigintza zinegotziak azaldu duenez, lehendabizi, Maidagan eta Santa Marina Haitza kaleen arteko bidegurutzean zirkulazioa berrantolatuko dute, “trafiko handia dagoelako bertan”. Horretarako errotonda eta oinezkoentzako igotako pasabideak jarriz. Proiektua idatzita dago honezkero eta bere aurrekontua 377.000 bat eurokoa da. Obrak 2009ko bukaeran edo 2010eko hasieran abiatuko omen dira. Argazkian, Bentan hasi eta Azkorriko hondartzan amaituko dira lanak.Behin errotonda amaituta, 2010ean zehar gainontzeko errepide tartea hobetuko dute eta bere aurrekontua milioi bat eurokoa izango da. Arregiren esanetan, “errepideko zoladura eta espaloiak zaharberrituko, leku estrategikoetan eta tarteka-tarteka oinezkoentzako igotako pasabideak ipiniko dira eta Azkorriko aparkalekurako sarrera-irteerak hobetuko dira”. Imanol Landa alkateak, berriz, Getxo aldeko eta Zientoetxe inguruetako bizilagunentzat "berri ona" dela aipatu du, "aspalditik ari zirelako segurtasuna hobetu, trafikoa lasaitu eta kalea bera konpontzea eskatzen”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun