Algortako Bertsolari Eskolak (ALBE) antolatuta, Iñaki Murua eta Mikel Mendizabal bertsolariek euren eskarmentu handia erakusteko aukera izango dute ostiral honetan, azaroak 7, Algortan. VI. Bihotza Gazte bertso-festaren osagai nagusiak izango dira Murua gabiriarra eta Mendizabal itsasondoarra, 52 urtekoak biak, baina inondik inora ez dira osagai bakarrak izango. 21:00etatik aurrera, beraiekin batera, Urola bailarako Kupela taldekoak arituko dira Kasino ondoko The Piper's taberna irlandarrean. Xabier Alberdi Zabale trikitilaria, Angel Larrañaga pandero jole, bertsolari eta abeslaria eta Juan Ezenarro Berastegi perkusio jolea batzen dituen hirukoteak trikitixa, musika eta animazioarekin osatuko du bertsolari gipuzkoarren saioa. Sarrera doakoa da. Bitartean, bihar hasi eta igandera arte luzatuko dira San Martin jaiak Algortako Hezetasun auzoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun