Bi erakundeotako iturriek azaldu dutenez, jarduera desberdinak egingo ditu zentroak: adibidez, etxebizitzari buruzko dokumentuen, liburuen eta araudien datu-baseak sortu, gai hori ikertzeko eta aztertzeko zereginetan lagungarri izan daitezen. Era berean, informazio eguneratua eta interesgarria eskaintzen duen web-orri bat sortuko da, unibertsitatearen, administrazioaren eta gizartearen artean ohiko komunikazio-kanala izan dadin. Halaber, etxebizitzaren arazoari buruzko diagnostikoak eta egon daitezkeen araudi-hutsuneak abiapuntutzat hartuz, aurkitu diren beharrizanak konpontzeko beharrezkoak diren ikerketak garatzeko eta indartzeko ahalegina egingo da. Etxebizitzari buruzko politika publikoei lotutako gai global edo partzialei dagokienez egin daitezkeen ikerketa puntualak eta ideia berritzaileen ikerketak bultzatuko dira.
Jardunaldiak eta unibertsitate-ikastaroak
Gainera, gogoetarako eta ideiak eta esperientziak trukatzeko guneen sorkuntza bultzatuko da, etxebizitzaren arazoari eta horren gizarte, ekonomi eta espazio-ondorioei buruzko jakintza zabaltzeko; horretarako, laguntzaile-sare bat sortuko da Espainia osoan. Jardunaldiak eta unibertsitate-ikastaroak ere antolatuko dira, esperientzia berriak ezagutzeko eta etxebizitzaren gaian inplikatuta dauden subjektu publiko nahiz pribatuen eta sortuko diren profesionalen prestakuntzarako, horien prestakuntza gizarteak eskatzen dituen beharrizanetara egokitzeko.
Etxebizitza politika publikoei buruzko ikerketarako zentroa sortuko dute Eusko Jaurlaritzak eta EHUk
Eusko Jaurlaritzako Etxebizitza eta Gizarte Gaietako Sailak eta Euskal Herriko Unibertsitateak (EHU) hitzarmen bat sinatu dute Ekiten-Thinking etxebizitza politika publikoei buruzko Ikerketarako Zentro Estrategikoa sortu eta abian jartzeko, "etxebizitzaren eremuan politika publikoak indartzeko eta erakundeen kudeaketa hobetzeko asmoz". Ekimena "etxebizitzaren alorrean berrikuntza bultzatzeko Jaurlaritzak duen estrategia baten barnean dago, eta horrek dakar etxebizitzaren arazoa aztertzen duten diziplina desberdinetako aditu talde bat sortzea, arazoa azterketa akademikotik eta esperientzia-trukea oinarritzat izanik aztertuz, etxebizitza duin baterako eskubidea gauzatu nahi duten ekimenen buruan jarriz Euskadi", azaldu dute. Ekiten-Thinking taldearen egoitza EHUko Gizarte eta Komunikazio Zientzien Fakultatean egongo da kokatuta, graduko eta graduondoko hainbat diziplina eta ikasketa barne hartzen baititu, eta horrek "aukera ematen du bizilekuaren inguruko gaiari ikuspegi konplexu eta diziplina anitzeko batetik ekiteko". Hitzarmenak hiru urteko iraupena izango du. Argazkian, fakultateko ikasgelategietako bat / jmendicute
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun