Brasilgo 15 emakumek hitzaldia emango dute asteazkenean Itzubaltzetan

Erabiltzailearen aurpegia Ukberri 2008ko aza. 9a, 23:26
Asteazken honetan, azaroak 12, Brasilgo jendarte eragile ezberdinetako kideak diren 15 emakumek Itzubaltzeta / Romoko Itzubaltzeta gaztetxea bisitatu eta bertan hitzaldia eskainiko dute. Euskal Herriko Nekazarien Elkartasunak (EHNE) eta gaztetxeak antolatuta, Via Campesina nazioarteko elkargunearen erakunde ezberdinetako emakumeek Brasilgo emakume nekazarien borroka izango dute hizpide beren hitzaldian, arratsaldeko 20:00etan izango dena. Brasilgo landa eremuetan nekazariek eta zehatzago emakumeek dituzten bizi baldintzak, orain arte beren eskubideen alde aurrera eramandako borrokak, inguruan diren jendarte arazoak eta antolatzeko erabili dituzten estrategiak izango dira, besteak beste, entzungo ahal izango direnak Itzubaltzetako solasaldian. Argazkian, Yanomami etniako neskato bat / Ariel Lopez.
Partehartzaileak honakoak izango dira: Neusa Lima, Eliandra Fernandes eta Ana Maria Dos Reis MSTkoak (lurrik gabekoen mugimendua); Alda Maria Oliveira CIMIkoa (Consejo Misionero Indigenista); Nivea Diogenes eta Daiane Hohn MABekoak (Presek kaltetutakoen mugimendua); Noemi Krefta, Lucimara Da Silva eta Aparecida Silva MMCtik (emakume nekazarien mugimendua); Sarai Brixner, Elizete Fagundes eta Adilvane Spezia MPAkoak (nekazari txikien mugimendua); Bernardete Primieri Carelli EcoVida sarekoa; Isabel Diniz CPTkoa (Lurraren batzorde pastorala); eta Eliane Martins MTDkoa (langabetuen mugimendua). Emakume brasildarrek hainbat egun izango dira Euskal Herrian EHNEko kideekin esperientziak, ikuspuntuak eta formakuntza baliabideak elkartrukatzen. Jende aurrean, Itzubaltzetako saioaz gain Ermuan eta Gernikan ere hitzaldiak eskainiko dituzte.
Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun