Familia barruko gatazkak konpontzeko ikastaroa jasoko dute Leioako aita-amek

Erabiltzailearen aurpegia Ukberri 2008ko aza. 11a, 21:36
Leioako Udalak sustatutako Bakearen Aldeko Hezkuntza egitasmoaren barruan, familia barruko gatazkak modu baketsuan konpontzeko doako ikastaroa emango die udalerriko aita-amei EHUko Gatazka Eraldatzeko Unibertsitate Zentroak (GEUZ). Oinarrizko mailan, seme-alabekin egon daitezkeen gatazka motak, horiek konpontzeko moduak eta komunikaziorako trebetasunak landuko dira. Guztira 10 ordu iraungo du ikastaroak, lau saiotan banatuta. Ordutegien arabera, hiru talde desberdin antolatuko dira: lehenengoak asteartero edukiko ditu eskolak, 10:00etatik 12:30era, azaroaren 12tik abenduaren 3ra bitartean. Bigarrena, ostiraletan (18:00etatik 20:00etara) eta larunbatetan (10:00etatik 13:00etara) batuko da, azaroaren 21etik 29ra. Azkenik, hirugarren taldea astearte eta ostegunetan elkartuko da, azaroaren 18tik 27ra, 18:00etatik 20:30era. Oraindik badago izena emateko aukera 944 666 245 telefono zenbakira deituta edota info[abildua]geuz.es e-posta helbidera idatzita.
Aurreko urteetan egitasmoan parte hartu duten gurasoentzat, berriz, ikastaro osagarria antolatu dute. Hori ere doakoa izango da, 10 ordutakoa eta lau saioetan banatuta. Talde bi egongo dira: lehenengoak asteartetan edukiko ditu eskolak, 10:00etatik 12:30era, azaroaren 11tik abenduaren 2ra bitartean. Eta bigarrena asteazkenetan batuko da, 18:00etatik 20:30era, azaroaren 12tik abenduaren 3ra. Bakearen Aldeko Hezkuntza programa osoak 70.000 euroko kostua dauka eta Eusko Jaurlaritzaren Giza Eskubideen zuzendaritzak 17.000 eurorekin laguntzen du. Egitasmoak fase ezberdinak dauzka, horietako bat aipatu ikastaroak, 6.000 euroko aurrekontuarekin.
Jendartea Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun