Euskal gizartearen zein gehiengo ordezkatzen dute 165 futbol jokalari hauek erabaki hori hartzeko? Are gehiago, EGIk hurrengo erronka bota nahi die: benetan euskal selekzioen ofizialtasunaren alde lan egin nahi badute, bota dezatela hordagoa dagokien estatuen federazioaren aurrean, eta ez dezatela ikurrinarekin jokatzen ez duen selekzioekin jokatu, errefusa dezatela Espainia edo Frantziarekin jokatzea. Ausartak izan nahi baldin badute ausartak izan daitezela izan behar duten lekuan.
Egoera honen aurrean, EGIk abertzale guztion batasuna deitu nahi du, abenduan jokatuko duen selekzioa guztion selekzioa baita, eta bide batez, Euskal Futbol Federazioari, eta Euskal Kirol Federazioei orokorrean, gure laguntasuna eta esker ona adierazi nahi diegu ofizialtasunaren alde egiten duten lanagatik.
Euzko Gaztedi (EGI)
EGIk Euskal Herriko Futbolariak plataformaren erabakia gogor salatzen du, eta jarrera bera Espainiako edo Frantziako Federazioarekin hartzeko erronka botatzen die. Euzko Gaztedik indarrez errefusatzen du Euskal Herriko Futbolariak izenpean Euzkadi osoko 165 futbolarik hartu duten erabakia, hau da, ez direla Euskadi izena duen selekzioarekin lehiatuko. Gure selekzioak, 30. hamarkadatik hona, Euskadi izenarekin agertu da jendaurrean. Euzkadi osoko biztanleek, Bidasoa ibaiaren bi ibarretan, badakite euren selekzioak jokatzen duela, euskaldun guztiona, askotan herrialde guztietako ordezkaritza izanda soropilean gainera. Argazkian, 2006ko maiatzaren 21ean, Euskadi eta Galesko futbol selekzioek jokatutako partidan, Euzko Gaztedik jarritako pankarta / jkarteaga.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun