Ikasle Egun Txikian bildu da gaur goizean Leioa eta Erandioko campuseko ikasle ugari, "greba deialdien gainetik, unibertsitatean egiten ari diren obra guztien gainetik eta aldarrikapenez beteriko festarako asmoarekin", Ikasle Abertzaleek (IA) adierazi dutenez. Euskal ikasleen antolakundearen 20. urteurrena ospatzeko, 11:00etan eman diete hasiera ekitaldiei, azoka txiki eta hamaiketako batekin. Aurten ateratako kamisetak salgai izan dituzte, azaroaren 22an Erandion egingo den Ikasle Eguneko sarrerekin batera, "Borrokak Heziak Iraultza Haziak" abestiak giroa alaitzen zuen bitartean. Urteurrenerako egindako bideoa ikusi ondoren, triki-bertso-kalejira bat egin dute fakultate ezberdinetan zehar, unibertsitatea festa giroan murgiltzeko. Eta aldarrikapenerako tartea ere izan da: dekanotzatan etenaldiak egin eta salaketak bertsotan bota dizkiete. Besteak beste, "Medikuntzako euskarazko eskaintzaren murrizketa erdarazkoaren zabaltzearen aurrean, Bologna Prozesua edota Zientzietako Fakultatean kamaren presentzia izugarria", salatu dituzte. "Honela, argi utzi nahi izan dugu, saltzen diguten EHU ez dela marrazten duten bezain euskaldun eta demokratikoa", IAk azaldu duenez. Argazkian, kontzertua ere izan da Ikasle Egun Txikian / Gaztesarea.
Jarraian, bazkal ordura arte denbora egiteko, pintxo eta sagardo botila batzuk aterata zuzen-zuzeneko kontzertu batekin disfrutatzeko parada izan dute ikasleek, lagun eta talde giroan, ezagunak zituzten kantuak guztien artean abestuz, Eta behin gosea eginda, mahai inguruan bildu dira denak bazkaritako, ondorengo bertsolarien saioaz disfrutatzeko gogoz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun