Herri indigenen inguruko zinemaldiak ondoko filmak egongo dira ikusgai:
Azaroak 17, astelehena
- "Amazonas y sierra" (12 minutu)
- "Minga Embera" (29 min). 2005 urtea.
Kolonbiako herri indigenen giza eskubideen egoera azaltzen dute.
Azaroak 18, asteartea
- "Encuentro Binacional Zapara" (20 min)
- "Kuatupama Zapara" (Zapara hitza) (24 min). 2001 urtea.
Zapara herria Ekuador eta Peru artean kokatua dago. 2001eko azaroan UNESCOk emandako Gizateriaren Ondare Kultura eta Materialaren saria jaso zuen herri honek. Nortasun kulturala berreskuratzen dabil.
Azaroak 19, asteazkena
- "Tierra de Mujeres. La lucha por la dignidad de las mujeres en Chiapas" (57 min). 2003 urtea.
Emakume zapatistak, Chiapasekoak, indigenak, mexikarrak guztiok entzuteko oihua zabaltzen du. Irudi, ederrak eta emakume harrigarriak dira hemengoak.
Azaroak 20, osteguna
- "Bolivia en Pie" (30 min). Mundubat-entzat Unai Aranzadik egin duen dokumental honetan Boliviako herri indigenen egoera azaltzen da.
- "Humillados y ofendidos". Cesar Brie. (30 min). Sucre hirian (Bolivia) nekazari eta indigenek pairatutako eraso basatiak -MASeko zaleak izanda liskarrak sortuko lituzketelakoan- erakusten ditu dokumental honek.
El Salvadorreko emakumeen egoeraz hitz egingo dute astelehen eta asteartean Itzubaltzetan
"El femicidio en Centroamerica. Una aproximacion desde la realidad salvadoreña" izenburupean, mintegia antolatu du datorren aste hasierarako Mundubat gobernuz kanpoko erakundeak. Jardunaldiak astelehen eta asteartean, azaroak 17 eta 18, izango dira Getxoko Emakumeen Jabekuntza Eskolan, Itzubaltzeta / Romoko kultur etxean (Ezekiel Agirre, 6). Arratsaldez, 19:00etatik 21:00etara arteko saioetan, Sandra Guevara eta Mercedes Henriquez El Salvadoreko Las Melidas emakumeen taldeko ordezkariek parte hartuko dute. Bitartean, astelehenean bertan hasi eta hilaren 20ra bitartean, herri indigenen inguruko zinemaldia egingo dute, 20:00etan egunero, Bilboko Hikaateneoan, Ibeni kaia kaleko 1. zenbakian. Argazkian, gaur arte, Saharako emakumeei buruzko erakusketa ikus daiteke Itzubaltzetako erakusketa aretoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun