Ikasle Abertzaleek larunbat honetan, azaroak 22, ospatuko dute Ikasle Eguna, Erandion. Urtero antolatzen du aldarrikapen eta festarako egun handia IAk, baina aurten bikoitza izango da ospakizuna: 20 urte bete ditu aurten euskal ikasleen antolakundeak. Besteak beste, euskal ikasleen topaketak; erraldoi, buruhandi eta trikitilariak; puzgarriak eta jolasak; pailazoak; musika maratoia; bazkaria eta bertso-postrea; elektrotxaranga; manifestazioa eta ekitaldia... izango dira larunbat guztian zehar. Karpa handiko kontzertuetarako (Anger, Piperrak, Obrint Pas, Soziedad Alkoholika, eta Amaiur), berriz, dagoeneko salgai jarri dituzte txartelak (18 euro) Amnistia (Algorta), Branka (Itzubaltzeta / Romo), Kurkudi (Leioa), Hegoalde (Altzaga, Erandio) eta Sopelako herriko tabernan daude eskuragarri. UK taberna algortarrean asteburuan amaitu egin dira sarreran. Hala ere, gehiago jarriko dituztela adierazi dute IAkoek. Arratsaldeetan bakarrik irekitzen diren tabernetan, sarrerek ostegun arratsalderarte iraungo dute. Egunean bertan 22 eurotan egongo dira salgai. Argazkian, larunbatean bertan joko duten musikariekin batera egin zuten prentsaurrekoa, azaroaren 8an, Bilboko Kalderapeko kultur gunean, IAko kideak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun