Biharko batzar irekira deitu du Algortan ESAITek
2008ko aza. 18a, 11:58
Euskal Selekzioaren Aldeko Iritzi Taldeak (ESAIT) batzar irekia deitu du asteazken honetarako, azaroak 19, Algortan. Saioa 19:00etatik aurrera izango da Villamonte kaleko kultur etxean eta ESAITekoek "oso garrantzitsutat" jo dute hitzordua. Hain zuzen ere, Euskadiko Furbol Federazioak (EFE) abenduaren 23ko Iranen aurkako partidan "Euskadi" izendapena erabiltzeko erabakiaren aurrean, Euskal Herriko 165 futbolari eta jokalari ohiek zabaldutako adierazpena izango dute hizpide aipatu bileran. Euskal Herriaren izenean ez bada, Iranen aurkako partidara ez direla agertuko iragarri dute, tartean Athleticeko ia talde osoa eta Real Sociedad, Eibar, Alaves, Angelu, Baiona edota kanpoan dabiltzan euskal futbolari ugariri daudela. Bitartean, gaur 11:00etan, prentsaurrekoa emango du Bilboko Ercilla hotelean ESAITek. Argazkian, iazko Euskal Herria eta Kataluniaren arteko partida aurretik egindako manifestazioa / Nazio bat, selekzio bat.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun