Ezker abertzalearen oharra:
Azaroaren 20an Josu eta Santi omenduko ditugu
Azaroaren 20a iritsi da berriro ere eta Ezker Abertzaleak Josu Muguruza eta Santi Brouard omendu nahi ditu. Urtero bezala bi militante hauek erakutsitako konpromisoa eta determinazioa eredutzat hartu nahi ditugu. Gainera Herri Batasuna sortzen eta Espainiar Konstituzioaren mugak apurtzen egin zuten lanak gaurkotasun handia du. Ezin dugu ahaztu gaur egun konstituzioa bera apurtu eta independentziarantz joateko polo burujabe bat eratzea mahai gainean dagoela; Santi eta Josuk horren alde lan egin zuten.
Ostegunean, beraz, lore-eskaintza egongo da lehenengo Josuren omenezko monolitoan eta ondoren Santiren omenezkoan. Arratsaldean Santi Brouarden kontsultatik (Errekalde Zumardia) aterako da manifestaldia.
Ezkerabertzalea.info-k zabaldutako bideoa:
Faxismoaren aurkako ekitaldietan parte hartzera deitu dute hainbat eragilek
2008ko aza. 19a, 23:51
Besteak beste, Ezker abertzalea, Sare Antifaxista eta Gazte Komunisten Batasunak bihar, azaroaren 20a, egingo diren ekimen antifaxistetan parte hartzera deitu dute. Izan ere, jakina da biharko datan hainbat urteurren beteko direla, tartean Jose Antonio Primo de Rivera falangista eta Francisco Franco diktadorearen heriotzena zein Santi Brouard eta Josu Muguruzaren erailketak, Espainiako Estatuak sustatutako gerra zikina dela medio. Gauzak horrela, honako hauek dira biharko deitutako ekimenak, guztiak Bilbon egitekoak direnak: goizeko 11etan, lore eskaintza egingo dute Errekalde plazan, Josu Muguruza zenaren monolitoan. Ordu bat beranduago, Ametzolako parkean egingo dute beste horrenbeste Santi Brouardi jarritako monolitoan. Arratsaldean, berriz, "Azaroak 20, ez dugu ez ahaztuko ez barkatuko. Atzo eta gaurko faxismoaren kontra" lelopeko elkarretaratzea izango da Arriaga plazan, 19:00etan. Ordu erdi beranduago manifestazioa egingo dute Santi Brouarden kontsulta zegoen tokitik, Errekalde zumarkaletik, Argazkian, Muguruzaren auzokideak Errekalden 2004an, Bilboko Udalak kendutako afitxa birkokatu ostean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun