Hirugarren asteburuz ekitaldiz beteko dute Lutxanako eskola zaharra
2008ko aza. 21a, 12:45
Hilabete hasieran abiatu ziren, Lutxanako eskola zaharrean, Tirante Plataformak antolatutako Azaro Kulturalaren zazpigarren edizioa. Asteburu honetako egitaraua, gaur hasiko dute, Felix Blancoren "Hekatumba: ¿un final feliz para la raza humana?" hitzaldiarekin, 19:00etan. Ondoren, 22:00etan, "Mortimer" izenburuko helduentzako pailazo ikuskizuna taularatuko du Aritza Rodriguezek. Eta egunari bukaera emateko, "Vinagre" taldeak kontzertua emango du, 23:00etatik aurrera. Larunbatean, “El exilio de tus seres de PVC” antzezlana eskainiko du, 20:30ean, Katastrofen konpainiak, egitarauan agertu bezala. Gaueko kontzertua, ordea, aldatu behar izan dute: DJ Tirantillas-en ordez Lutxana Crew reggae taldeak joko du 23:00etatik aurrera. Igandean ere La Dolorosa taldearen "100 canciones de amor y un rojo desesperado" antzezlana egon behar zen arren, azkenean "Tu me latex" performance-a eskainiko dute Maite Castrok eta Itziar Markiegik, 19:30ean. Argazkian, aurtengo jardunaldien kartela.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun