Bestalde, Itzubaltzeta / Romon, Serantes kaleko saneamendu sarea konpontzeko lanak direla eta, astelehenetik (hilak 24) abenduaren 3ra bitartean, ezin izango da norabidea erabat aldatu Gobelaurrerantz, Zubieta kaleko biribilgunean, Getxoko Udaletik jakitera eman dutenez. Hartara, aipatu egunetan ingurutik ibili eta Gobelaurretik kale berberera bueltatu nahi duten ibilgailuek Zubieta, Errekagane eta Kresaltxu kaleak zeharkatu beharko dituzte.
Areetako Santa Ana auzoko babes ofizialeko etxebizitzetan libre dauden garaje partzelak eta trastelekuak 50 urtez erabiltzeko eskubidea izateko eskabideak aurkezteko epea oraindik zabalik dagoela adierazi du Getxoko Udaletikk. Izan ere, eskaini dituzten 201 garaje partzeletatik (35 trastelekurekin batera) 64 eskuratzeko eskabideak baino ez dituzte jaso. Gaur goizean egin dute zozketa, udalbatza aretoan, hautatze ordena finkatzeko. "Aurkeztutako eskabideak dauden partzelak baino gutxiago direnez, automatikoki udalerri osora zabaldu da eragin esparrua. Pazak 50 urtez erabiltzeko eskubidea bereganatu ahal izango dute, ibilgailua edukita, izatez Getxo udalerrian bizi eta erroldatuta dauden pertsonek", udal arduradunek zehaztu dutenez. Horien salneurria 20.461,83 eurokoa da eta trastelekuena 925,12 eurokoa metro koadroko. Hala ere, trastelekua erostekotan ondoko garajea ere erosi beharko da. Argibide gehiago jasotzeko 946 612 034 telefonora deitu beharko da (astelehenetik ostiralera, 8:00etatik 18:00etara). Argazkian, Imanol Landa alkatea gaurko zozketa ikuskatzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun