Billate eta Goldarazek azaldu dutenez, euskal kultura edota kultur herrikoia sustatzeko asmoa duten taldeak bigarren mailakoak ei dira Leioako Udalarentzat eta azpiegitura eta dirulaguntza urriak dituzte, "Udalak publizitateari begirako kultura" eskaintzen duen bitartean, "herritarrak ikusle soil" bihurtzen duena.
Bloga, e-posta eta agenda
Horregatik, hasieratik talde bakoitzak duen azpiegitura, giza baliabideak, ezagupenak, komunikazio sarea eta "borondatean oinarritutako lana" eskaintzen dizkie Kultura Topaguneko beste kideei, "nork kartelak egin, nor txistulari ibili, eta horrela". Gainera, elkarlana talde ezberdinen artean datak ez zapaltzea errazten du, nahiz eta oraindik Udalarekin arazo hori oraindik daukaten. Gainera, kexu agertu dira tokiko erakundetik bultzaturiko "kanpoko kultura ereduagatik". Horren aurrean eredu partehartzailea, euskal kultura eta leioaztarren sorkuntza bultzatzen eta defendatzen saiatuko direneko agindua eman dute.
Lan horretan, baina, gorako aldapak aurkituko dituzte maiz, "diru eta baliabide handiegirik ez baitugu, baina aberasteko asmorik ere ez dugu, kultura zabaltzeko nahia baino ez". Herrian zehar zabalduko dituzten ekintzak bitakoran, herriko tabernetan banatuko dituzten agenda eta kulturatopagunea@gmail.com posta elektronikoaren bidez ezagutaraziko dituzte. "Dirua edukiko bagenu gustatuko litzaiguke aldizkari bat ateratzea, talde bakoitzaren zereginekin, historia eta horrelakoak, baina momentuz urri gabiltza".
Leioako Kultura Topagunea aurkeztu dute gaur iluntzean nagusien etxean Alaitz Billatek eta Ion Goldarazek. Leioako auzokide eta elkartegintzako kideen aurrean, bost kultur erakunderen koordinazio gunearen sorrera eta nondik norakoak azaldu dituzte. Izan ere, Leioako Kultura Topagunea iaz sortu zuten, Lamiakoko lehenengo Euskal Jaiaren harira. Orduan, Lamiako Maskaradak erronka berrirako laguntza eskatu zuen, bertako kideek beren burua gaindituta ikusten baitzuten. Eta erantzun gisa, hainbat taldek luzatu zioten bostekoa, gerora Maskaradarekin batera Kultura Topagunea osatu duten Berbalamiñe euskara taldea, Gure Ohiturak dantza taldea, Kurkudi kultur elkartea eta Maritxu Teilagorri txosna batzordea zein Zero antzerki taldea, Txakurzulo Gazte Asanblada, Udondoko jai batzordea eta San Juan gaueko akelarre taldea. Lana eta ekimena arrakastatsua suertatu ziren eta aurrera jarraitzea deliberatu zuten. Topaguneak bere logoa eta blogari.net/kulturatopa bloga erakutsi ditu gaur eta laster barnean biltzen dituen taldeen agenda bateratua kaleratuko du. Argazkian, bost eragileetako ordezkariak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun