Yera S. izeneko leioaztarrak bigarren saria eskuratu du Hegoak elkarteak antolatutako Lorca Sarien bigarren edizioan. Lehiaketa horrek gai bisexual, lesbiko, gay edota transexuala duten narrazio laburrak saritzen ditu. Yera S.-ren lanak "Me han crecido las tetas" (pdf) du izena eta epaimahaikideen babesa jaso du "tristezia eta erotismoaren arteko narrazio arina, dibertigarria eta erotikoa" izategatik. Era berean, azpimarratu dute "maitasuna zein sexuari buruzko hausnarketa" eragiten duela, "tristezia apaltzeko tresnak" bezala aurkeztuta. Baina, aldi berean, "tristezia bera sexua apaltzeko baliabide gisa ere" erakusten du, "bi emakumeren arteko kontaktu sexualaren sentsazioak zer edo zer gehiagotan bihurtzen duela". Ildo horri jarraituz, "xalotasuna existentziaren etengabeko gogo gabeziaren eskutik sortuko balitz bezala". Argazkia: Alukiss.
Lehenengo saria Espainian eman dute, Ines Maria N. madrildarrak idatzitako "Buena, bonita y..." (pdf) narrazioari. Hirugarren saria, berriz, Afrikako isla batera joan da, Tenerifera, alegia. Jose J. Luquek erdietsi du "Luces de vidrio" (pdf) literatur lanarekin. Azkenik, Garazi K. andoaindarrak euskarazko lan onenaren saria jaso du, "Pentsamenduak arrain ontzitik" (pdf) narrazioari esker. Lan guztiak irakur daitezke, bakoitzaren esteka sakatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun